Den un ambiente festivo, y cu un sala bon concuri, AFAS ta introduci “Profit 1”, e version completamente nobo di su software

(ADVERTORIAL)

ORANJESTAD -  Siman pasa, tanto na Aruba y na Corsou, durante e asina yama AFAS Open, evento cu ta completamente enfoca ariba e clientenan di AFAS, AFAS Software Caribbean a presenta “Profit 1” . E version completamente nobo di e ERP y HRM-software ta combina e funcionalidad di e versionnan anterior cu miho facilidad di uzo. E “ERP-Software” ta estrena un wes’i lomba nobo

FACILIDAD DI UZO COMO PRIORIDAD 

E nucleo di e sistema a wordo revoluciona, cu e obhetivo principal: simplifica e sistema pa e usuarionan. E cambionan ta ensera e simplifacacion di tareanan usual, cu lo percura pa usarionan por busca, haya, y ehecuta nan tareanan mucho mas facil. Esnan cu principalmente ta ehecuta tareanan di configuracion, sigur lo tuma nota di e cambionan. 

CON PA ACTUALISA PA E VERSION NOBO 

E version nobo di AFAS Profit ta adapta sin ningun problema na e versionnan anterior, especialmente den e area di funcionalidad. Pues, no ta necesario pa haci ningun tipo di conversion of esfuerso adicional pa haci e transferencia pa “Profit 1”. Door cu tur cliente di AFAS ta operando den “Cloud”, nan lo wordo transferi automaticamente pa e version nobo.

AMBIENTE FAMILIAR, PERO MEHORA!

Director di AFAS Software Caribbean, Sr. Pim Steinmeijer, a amplia: “Varios cliente existente a yuda nos test e sistema durante e fase di desaroyo. Tur, tabata di acuerdo cu e software ta mustra diferente, mientras cu e ta funciona den un manera mas intuitivo, pero cu nan ta keda reconoce como AFAS Profit. Esei tabata exactamente nos obhetivo.”

TOCANTE AFAS SOFTWARE

Cu sociedad den mente, e enfoke mester keda ariba trabou eficiente y agradabel. Den hopi organisacion, empleadonan ta constantemente ocupa cu temanan menos importante. Actividadnan innecesario, trabounan redundante, y constantemente mester coregi erornan: tur esaki ta costa hopi tempo, y cu impacto negativo ariba e calidad di trabou. E mision di AFAS software ta: inspira miho maneho empresarial. Esei AFAS ta haci pa medio di su software, incluyendo tur loke ta necesario, pa por uza e software pa realisa metanan grandi. Organisacionnan ta resta tempo pa por traha riba temanan cu ta sumamente importante: calidad y placer di trabou