Entre awe cu mayan decision ta cay si gabinete Rutte ta cay of no

DEN HAAG – Tur cos ta mustra cu awe nochi por ta e anochi decisivo riba e futuro di gabinete Rutte 4, y cu si partidonan no haya otro, esaki por ta caida di e gabinete, segun e portal di noticia Hulandes NOS. Partido di coalicion VVD y ChristenUnie ta para frontal contra otro pa e medidanan nobo di asilo. Segun e portal, premier Rutte ta riba un curso destructivo despues di luna di negosacion riba e tema y por causa caida di su gabinete. E siman aki cos a empeora ora cu e la introduci un medida cu partido ChristenUnie no por biba cu ne. E medida ta cu unificacion di famia mester keda limita. Pa loke ta VVD, ta bin un distinccion entre entre refugiadonan cu ta personalmente menasa y personan cu ta huy di un guera. Pa famianan di e ultimo categoria, ta bira mas dificil pa tambe bin Hulanda. VVD lo kier limita e reunificacion di famia di e ultimo categoria na 200 pa luna. Pa e otro partido, ChristenUnie, esaki no ta discutible ya cu no kier impone restriccion pa reunificacion di famia. D66 tampoco ta sostene e decision di VVD.