Noticiacla.com ta cumpli 9 aña como portal di noticia awe!

ORANJESTAD – Awe, diadomingo 2 di juli 2023 ta haci exactamente 9 aña cu Noticiacla.com a keda lansa oficialmente y crece y bira loke e ta awe. Un portal local di noticia, cu a haya e aceptacion di comunidad local y internacional. Completo cu tur e loke un portal mester awendia, incluyendo e app y linknan social, e portal a gana e respet den comunidad cu ta hacie un di e portalnan mas respeta den comunidad local y tambe internacional. Maneha un portal di noticia awendia no ta facil, cu tur e competencia cu tin eyfo, y asina mes a logra establece su base asina fuerte cu e la sigura su lugar clave den e mundo di noticia. Nos kier a gradici pa cuminsa, nos casnan comercial cu a kere cu nos for di un comienso y ta sigui kere den nos. Tambe abo e lector cu ta fiel na nos, y ta sigui nos tur dia, tur ora, cada rato cu e noticia mas confiabel riba mercado. Noticiacla ta agradecido na tur cu a aporta y ta aporta y ta conta cu e mesun aporte aki, cu nos por sigui dilanti y brinda abo ainda mas noticia confiabel y corecto tur dia bay. Di curazon, masha masha danki!