RIVM na Hulanda ta precupa cu grado di vacuna di mucha ta bou di 90%

AMSTERDAM – Pa di dos aña sigui un grupo chikito di mucha a haya tur nan vacunanan basico contra malesa infecioso. E grado di vacuna pa e grupo mas hoben, te cu 2 aña pa prome biaha a baha bou di 90% segun RIVM (e DVG di Hulanda).  E instituto nacional di salud ta preocupa cu e caida aki. Un grado halto di vacuna ta importante pa protega hende contra malesanan serio y pa evita brote di e malesanan aki, segun RIVM. Pesey un grado di cobertura di riba 95% ta importante. Si e grado ey no keda alcansa, e chens ta grandi cu sarampi ta bolbe, p.e. 

NO REGISTRA

For di e cifranan mas nobo di RIVM, ta resulta cu 84.2% di tur mucha naci na 2020, na nan di 2 aña di edad tin tur vacuna standard. Den practica, RIVM tas mustra cu un poco mas mucha cu esey ta vacuna realmente. Desde 2022 mayornan por scohe pa RIVM no registra nan vacuna. Esey ta sosode cu 5% di e cantidad di vacunanan.