Tweede Kamer a manda señal pa Aruba, aprobando mocion pa Aruba firma RAFT pa haya prestamo bentahoso

DEN HAAG – Tweede Kamer diamars a manda un señal pa tanto gobierno di Hulanda y Aruba door di aproba e mocion cu ta mara Aruba na refinanciamento di e debe di likidez pa tempo largo contra condicion faborabel, solamente si Aruba firma e RAFT, esta e ley di Reino riba supervision financiero di Aruba. Siman pasa caba secretario di estado Hulandes Alexandra van Huffelen a sostene e mocion ora cu e la keda entrega durante e debate di 2 minuut. De hecho, gobierno Hulandes a condiciona Aruba caba na e exigencia ey, pero mes momento a duna Aruba e libertad pa subi mercado internacional pa fia placa pa refinancia e debe, si nan no firma e RAFT. Esey tabata e punto riba cual Kamminga a disgusta, argumentando cu van Huffelen a hala atras, bira soft y permiti Aruba fia placa otro caminda. Van Huffelen den un clarificacion diabierna na noticiacla, a confirma cu Aruba semper tabatin e posibilidad ey pa fia placa otro caminda, pues no ta cu e la ‘bira soft’ y duna Aruba e posibilidad ey awor. 

ARUBA OTRO SIMANOtro siman e mandatario lo ta na Aruba pa trata e tema ey, cu gobernantenan di nos isla y lo wak kico ta pasa durante e bishita aki.