Varios retiro a cay na Telecuracao den cuestion di algun ora

WILLEMSTAD – E siman aki a cuminsa cu un ola di retiro cu a cay na e planta nacional di television di Corsou esta Tele Curacao. E prome informacion cu a sali, tabata cu gerensia di Telecuraçao a duna partisipashon na empleadonan di e planta di Televishon cu a base di investigacion den e planta di TV riba codigo di Good Governance, a yega na e desicion pa duna retiro inmediato na e director sr. Hugo Lew Yen Tai, sr. Laureano Salazar y sr. Zhurny Pieter "op staande voet".  Supuestamente a base di e rapport definitivo di e investigacion interno a yega na e desishon aki. 

COS A BOLTERDespues di apenas algun ora cu Gerensia di Telecuraçao, den calidad di sr. Terry Hernandez a duna retiro na sr Lew Jen Tai, sr. Salazar i sr. Pieter, e hunta di comisario di Telecuraçao a entrega sr. Terry Hernandez tambe su retiro como director mesora, causando cu e planta di televicion a keda sin director. 

CASO

For di varios di e integrantenan, a compronde cu ta preparando casonan caba pa demanta e planta y e asunto lo no keda ey mirando cu hopi di esnan cu ta afecta, tin hopi aña trahando, pues no ta bay keda keto y e retironan por tin efecto financiero pa e gobierno cu tin cu subsidia e planta di television. Mientrastanto John Loefstop,  Presidente di di Hunta di Komisario di CD&T cu ta maneha TeleCuracao ta keda encarga cu e planta. Potret cortesia .5999online