COMPRA cu donacion na Stichting Casa Cuna Progreso – SCCP

ORANJESTAD - E aña aki COMPRA ta celebra 75 aña ta sirbi nos comunidad como distribuidor. Un parti esencial di nos operacion semper ta pa duna bek na comunidad y apoya instancianan cu mas mester di dje. Nos kier a gradici empresario y pintor Sr. Franklyn Bareño, kende a bin cu un bunita iniciativa pa pinta diferente cuadra y asina recauda fondo pa instancianan local cu tin un impacto positivo den nos comunidad. Pa contribui na e bunita iniciativa aki, COMPRA LTD. a cumpra un collecion di 6 cuadra di cual tur fondo a bay directamente pa Stichting Casa Cuna Progreso.

Danki na representatenan di Stichting Casa Cuna Progreso pa nan bishita y pa comparti cu nos nan esfuerso y dedicacion pa bienestar di mucha na Aruba.

Casa Cuna Progreso ta un internado pa muchanan entre 0-8 aña cu ta operando na Aruba pa mas di 66 aña. Nan meta ta pa duna bon cuido, atencion positivo, amor y structura na muchanan cu pa un of otro motibo no por biba na nan cas. Nan ta duna sosten temporal den guia di e muchanan y mayornan, famia cu e meta pa e mucha por bolbe bek den un ambiente familiar y saludabel .

Casa Cuna ta depende riba contribucion publico y priva pa por sigui opera.