Aruba den top 10 isla den Caribe cu no tin problema cu sargassum riba beach

MIAMI – Aruba ta un di e destinacionan propaga aworaki pa bishita debi cu ‘ainda’ e no tin problema di sargassum (algas marino). Segun un estudio haci, e portal The Travel ta raporta, por tin un caso serio di e algas marino aki den Caribe pues, mester probecha bay e beachnan cu ainda no ta afecta pa nan. Entre nan Aruba (por lo menos e cosa sur (beachnan), pasobra Aruba a conoce caso di algas caba pero parti norte. 

ISLANAN AFECTA

E articulo riba e porta, ta papia di islanan Caribese cu ta conoci pa ta trankil pa bishitante, no druk, ta safe y conoci pa tin e beachnan di mas bunita rond di mundo. Lamentablemente hopi ta afecta pa e problema di naturalesa aki. E problema ta haci cu e beachnan afeca ta bira sushi, hole stinki y ta bira inatractivo pa bishitantenan. E no ta dushi pa turista cana riba beach, of drenta laman pa landa of disfruta di deportenan acuatico. 

EAGLE BEACH

Como un di e beachnan no afecta, e articulo ta haci mencion di Eagle Beach y ta describi e beach su bunitesa den tur forma y splendor. Den e caso aki pues, Aruba ta beneficia atrobe di e problema di otronan cu si tin cu atende cu e problema di sargassum (alga), pero no sa te ki tempo nos ta liber di esaki pa banda di e beachnan na e parti zuid di nos isla.