Aeropuerto di Aruba a conoce recuperacion di 103% compara cu 2019

ORANJESTAD – Aeropuerto di Aruba a conoce un recuperacion di 103% compara cu 2019, prome cu pandemia. Asina e aeropuerto ta raporta internacionalmente, di un raportahe cu a cay den man di noticiacla. E aeropuerto ta haci mencion cu no menos cu e la ricibi no menos cu 460.000 persona den e prome 4 lunanan di 2023.  Den e prome 4 lunanan, e aeropuerto a sirbi riba 20 aeroliña, operando mas cu 4 mil buelo y conectando Aruba cu mas di 30 diferente destinacion. 

MERCADONAN

A mira un crecemento sigur den e mercado di Norte America. Aki a conoce 5.9% mas turista den e prome 4 lunanan di 2023, unda cu Merca a crece cu 4.7A% y Canada cu 24.3%, compara cu 2019.