Aeroliñanan Mericano grandi a anuncia aumento serio di buelonan pa Aruba pa 2023

ORANJESTAD – Varios aeroliña grandi Mericano recientemente a anuncia aumento serio den nan frecuencia di buelo pa Aruba for di varios di nan diferente destinacionan pa 2023 y 2024. Entre nan tin American Airlines, jetBlue, DELTA y SPIRIT. E buelonan adicional aki y rutanan nobo lo sigui conecta Aruba cu destinacionan internacional, reforsando e compromise cu e aeropuerto di Aruba den busca oportunidadnan nobo y expandiendo su alcanse global”, e ehecutivo di desaroyo di aviacion comercial Jo-Anne Meaux-Arends a bisa. 

 AMERICAN AIRLINES  

American Airlines recientement a anuncia aumento di capacidad pa Aruba cuminsando e luna aki cu 13 buelo semana riba e ruta pa Charlotte, y un aumento di 1 pa 8 buelo semanal di nan ruta pa Philadelphia, compara cu 2019. Ademas, riba e ruta di Miami, lo aumenta buelo diario di un pa dos buelo na September y October. 

JETBLUE

JetBlue considera como e di dos aeroliña mas grandi, a anuncia e restart di nan ruta pa Newwark, cu ta cuminsa dia 17 awor y ta opera riba diasabra. 

SPIRIT

Spirit Airines tambe a confirma un aumento di servicio di sur uta pa Ft Lauderdale bayendo di un buelo pa siman pa buelonan diario. 

DELTA

DELTA tambe a anuncia recientemente cu nan lo aumenta capacidad y operacion di nan buelonan riba rutanan pa winter 2023/24. Entre e anuncionan, a anuncia cu nan ta aumenta e frecuencia pa Aruba na januari 2024 door di añadi un di dos buelo diario pa Atlanta na januari 2024.  

CANADA

Canada tambe ta conoce aumento den 2023 cu Air Canada anunciando un restart di e buelo pa Toronto cu 3 buelo semanal cuminsando na November di e aña aki. WestJet tambe a anuncia aumento di frecuencia di buelo den winter di 2023 pero no a bisa ainda cuanto buelo.