- Wever Croes: Lo sinta cu TOPA riba Prestatie Management Sisteem dentro e tempo stipula
- DOW: Ta habri caminda bek na Palm Beach fin di October!
- Oduber: Cifranan di AAA ta indica cu tin un demanda fuerte pa Aruba
- Carchi ta cabando pa wak comediante Marko en bibo na Aruba
- Veld nobo di stadion Guillermo Prospero Trinidad ta wordo evalua awor
Asociacion di joyero di Aruba ta bati alarma pa BBO na frontera
ORANJESTAD – E asociacion di joyeronan na Aruba a bati alarma diabierna, mandando un carta pa presidente di Parlamento, riba e ultimo informe relaciona cu e reforma fiscal. E reforma den e forma actual, por tin consecuencia cu e negoshinan en cuestion, y cu nan, 500 miembro di famia directamente, y economia di Aruba. Asina e carta dirigi na Parlamento ta cuminsa bisa.
IMPUESTO DOBLE
E joyeronan ta bisa di a descubri cu nan industria lo ta suheto na impuesto doble, di 3% pa 6%, como resultado di e BBO na frontera. ‘E falta di notificacion anterior ta hopi preocupante’, nan ta sigui bisa. Nan ta referi na e 8 ultimo añanan cu nan a tene combersacionan extenso cu varios departamento di gobierno riba nan situacion unico como comerciante di e producto liber di impuesto, pero ‘nan voz no a wordo scucha’. A purba splica cu nan status como comerciante di producto liber di impuesto, ta pone cu nan ta mara na un prijs fiho di benta rond mundo. ‘Consecuentemente nos no por aumenta nos prijs, ya cu nos margen di ganashi ta determina pa e marca. Un aumento den tipo di impuesto manera esaki, lo kita nos bentaha competitive den Caribe, Merca y Canada, resultando den caida di entrada di benta y impuesto’. Nan ta sigui puntra pakico ta fiha nan industria cu un impuesto doble envez di reduci esaki na 0. A pidi ‘humildemente’ pa Parlamento scucha nan preocupacion, durante un reunion publico, y asina traha conciente cu e intencion di salvaguardia e industria en cuestion y e 500 miembronan di famia cu ta biba di e negoshi aki. Por lesa e carta completo AKI.
Awe ta bo chens di gana 625 mil florin cu Lotto 5
CBS: Den un siman a bishita mas di 1000 persona durante encuesta Forza Laboral 2023
ORANJESTAD - Entrante 15 di september 2023 Oficina Central di Estadistica (CBS) conhuntamente cu Departamento di Labor y Investigacion (DAO) y Centrale Bank di Aruba (CBA) lo ehecuta e Encuesta di Forsa Laboral 2023 (LFS2023). E LFS2023 tin como meta principal pa haya un bista detaya y actual di e mercado laboral di Aruba. Tambe lo colecta informacion di e caracteristicanan di personanan cu ta participa y tambe di esnan cu no ta participa na e mercado laboral. Di e forma aki por haci analisis profundo di e composicion di e mercado laboral di Aruba y tambe por compila indicadornan importante, manera e.o. e tasa di empleo y desempleo na Aruba, e grado di participacion di hende homber y hende muhe na e mercado laboral y e nivel di educacion di esnan cu ta emplea y no ta emplea.
Hospital Horacio Oduber a informa di nan operacion durante Expo Salud 2023
ORANJESTAD - Durante fin di siman a tuma luga Expo Salud 2023 unda cu diferente profesional den e mundo di cuido a cera cabes pa hunto duna comunidad di Aruba informacion tocante varios topico interesante y esencial pa cuido di salud. Claro cu e team di Horacio Oduber Hospital (HOH) tambe tabat’ey pa forma parti di e organisacion di e expo salud 2023.
BCA a reduci e tasa di reserva obligatorio cu 1 punto di porcentahe
ORANJESTAD - Conforme e tarea di e Comite di Maneho Monetario (CMM) pa evalua, determina y duna transparencia riba e accionnan di maneho monetario di Banco Central di Aruba (BCA), BCA ta comunica lo siguiente. Durante e reunion di 21 di augustus 2023, CMM a dicidi pa baha e tasa di e reserva obligatorio na 24,5 porciento entrante 1 di september 2023. Di e manera aki, e banconan comercial mester tene un balansa minimo na BCA cu ta igual na 24,5 porciento di e depositonan riba termino cortico di nan clientenan. E decision pa reduci e tasa di reserva obligatorio na 24,5 porciento ta basa primordialmente riba un caida continuo den e estimacion di likides excesivo di e sector bancario compara cu december 2022, primordialmente causa pa un subida den credito, mientras cu reservanan oficial y internacional ta permanece adecua, apesar di un caida. BCA ta sigui monitorea e desaroyo den e likides excesivo y lo por dicidi di cambia e tasa di reserva obligatorio, si ta considera esaki necesario.
ATA ta considera Aruba Global Travel Conference un exito
ORANJESTAD - Aruba Tourism Authority (A.T.A.) a anuncia cu e prome edicion di e Aruba Global Travel Conference tabata un exito rotundo. E conferencia cu a tuma luga riba nos isla entre 18 cu 21 di september, a culmina diahuebs anochi cu un celebracion special na Royal Aruba Aloe. E prome Aruba Global Travel Conference a trece hunto un total di 59 participante for di Merca, Colombia, Italia, Spaña, Mexico, Suiza, Brazil, Argentina, Chile y Paraguay, pa menciona algun. Banda di esaki hopi otro socio cu ta representa entre otro nos hotelnan tambe a biaha pa tey presente. Un total di 70 a bishitanos pa e conferencia aki. Ta pa prome biaha cu A.T.A. a combina e mercadonan mas clave pa nos isla, esta Norte America, Latino America y Europa den un solo conferencia.
ATSA: Industria di timeshare a sigui na crece significantemente ultimo decadanan
PALM BEACH – Miembronan di Aruba Timeshare Association, ATSA, a bini hunto pa un encuentro cu lunch na La Cabana Beach Resort & Casino, conhuntamente cu representantenan di mayoria propiedad di Vacation Ownerships riba nos isla cu tabata presente.
Follow NoticiaCla
