Dia Mundial di Oceano 2023,ta tempo pa pone atencion na e oceano

Dia Mundial di Oceano 2023,ta tempo pa pone atencion na e oceano

Posted on 06/8/2023 9:51 am AST | Updated on 06/8/2023 9:52 am AST

ORANJESTAD - Dia Mundial di Oceano ta un dia observa mundialmente tur aña riba dia 8 di juni. E dia aki ta dedica pa eleva conscientisacion di e importancia di e oceano y pa promove un maneho sostenibel di e recursonan cu e ta duna asina hopi na henter mundo. Mientras cu Aruba un isla chikito den Caribe, nos ta rondona completamente pa lama y di e oceano, esaki ta haci cu e dia aki ta uno ainda mas importante pa nos isla. Pa celebra e dia aki y pone luz riba dje, Nacionnan Uni a bini cu e tema ‘Planeta Oceano, e marea ta cambiando’. Na ingles, Planet Ocean: the tides are changing. Cu esaki ta busca pa splica cu e nivel di lama pues e marea halto of abou a bin ta cambiando. United Nations (UN) tin planea un evento virtual na unda lo pasa e programa cu ta tuma lugar na headquarters di UN riba e dia aki. Directie Natuur en Milieu (DNM) ta invita un y tur pa sigui e livestream event aki cu ta importante pa participa. Asina por  haya sa kico tur ta e esfuersonan necesario pa cu e oceano y cualnan ta su reto y potencialnan.

Nacionnan Uni ta uni forsa cu esnan cu ta tuma decision, manera: cientificonan, sector priva, y representantenan di sociedad civil pa asina yega na e decisionnan necesario pa pone e oceano na prome lugar. 

Hopi biaha ta un area cu no ta explora of papia di dje paso tawata uza lama solamente pa extrae recursonan for di dje, manera piscamento na escala grandi, no ta respet’e y ta causa daño na dje pa medio di oil spil, polucion y contaminacion di plastic. 

E oceano ta cubri mayoria di e planeta tera. Ta solamente un parti chikito ta explora y e ta keda un mundo misterioso. Aunke cu humanidad ta depende di dje y su influencia ta enorme den bida diario, e oceano ta haya solamente un parti chikito di nos atencion y recursonan. 

Aki ta un lista dicon a yega tempo pa pone e oceano na prome luga:

1.      E ta di importancia economico (Economic Importance): Aruba su economia ta depende principalmente di turismo y e oceano tin un rol vital pa atrae turista. Aruba su beachnan y lama ta bunita, e awa ta transparente, e bida marino y su accesibilidad  ta atraccion pa turista. DNM ta promove e World Oceans Day y e livestreaming event di UN, asina Aruba por wak con ta pone enfasis riba e importancia di compromete pa preserva y proteha e bida marino cu ta contribui na un turismo sostenibel cu ta sostene e economia.

2.      E biodiversidad marino. E lama cu ta rondona nos isla ta cas pa un cantidad di bestianan marino. Y tambe ta brinda ecosistemanan diverso manera e rifnan di coral, yerbanan di lama y matanan di mangel. E ecosistemanan aki ta forma habitat pa diferente sorto di pisca y otro organismo pero tambe riba tera ta forma habitat pa parhanan. Cu observacion di e dia aki dedica na e oceano ta enfatisa e necesidad di conservacion manera e Marine Protected Areasnan di Aruba cu Fundacion Parke Nacional (FPNA) ta haciendo.

3.      Resiliencia di cambio di clima. Cambio di clima y e impacto asocia cu esaki ta por ehempel cambio den nivel di lama y cambio den temperatura den oceano cu ta impacta e bida marino y Aruba no ta un excepcion. Manera por ehempel coralnan cu por haya malesa y muri. Pa pone enfoke riba e tema aki, ta bon pa promove con ta mitiga e problemanan asocia cu cambio di clima pa asina ta mihor prepara y ta resiliente na esaki. Protehando e oceano y e ecosistemanan ta contribui na resiliencia di nos costanan y e comunidad henter.

4. Piscamento sostenibel.  Aruba tin un mercado di piscamento cu ta un industria importante y ta un manera di sostene calidad di bida pa hopi. Practicanan di piscamento cu ta sostenibel ta crucial den termino largo. Dia mundial di oceano ta sirbi pa promove practicanan di piscamento cu ta responsabel y ta importante pa mantene populacion di pisca den condicionnan sano. Esakinan ta por ehempel uza redanan cu ta cuadra cu ley, no pisca piscanan chikito cu falta pa crece ainda, tampoco no susha nos lama.

4.      Polucion di plastic den e oceano: Manera cu a trece dilanti en conexion cu Dia Mundial di Medio Ambiente, polucion di plastic ta un tema cu ta urgente mundialmente y Aruba su lama tambe ta enfrenta problema di microplastics na nos costanan. E tema di Dia Mundial di Oceano hunto cu esun di Medio Ambiente pa combati polucion di plastic ta pa encurasha gobiernonan, individuonan y negoshinan pa tuma accion pa reduci desperdicio di plastic, door di promove reciclahe y preveni single-use plastic y bini cu alternativanan sostenibel pa plastic.

E yamada ta keda na comunidad henter pa participa na e livestream event cu ta awe riba Dia Mundial di Oceano. 

Por tambe host un screening event unda por trece un grupo hunto pa wak esaki y despues elabora riba algun topico di discusion na nivel local of internacional.

E livestream event ta activo diahuebs juni 8, 2023 di 10’or di mainta te 1:30’or di atardi via e website; www.UNworldoceansday.org of via UN Web tv. E oportunidad aki ta duna cada un persona e informacion importante di nos oceano. Esaki ta pa duna oportunidad pa ta envolvi den combersacionnan y accionnan cu ta contribui na e esatado saludabel di e oceano y Aruba su lama pa futuro. Por bishita e Facebook pagina di dnmaruba pa tur e informacionnan cu ta pertenece na e topico importante aki na unda ta duna e oceano y lama su atencion debido. Feliz Dia Mundial di Oceano 2023.

 

  • Truck di sushi a ranca 4 palo di coriente y laga Montaña varios ora sin coriente

    Truck di sushi a ranca 4 palo di coriente y laga Montaña varios ora sin coriente

    ORANJESTAD – Si ayera (diahuebs) tabatin un truck cu a ranca 7 palo di coriente y laga un districto sin coriente, awe a toca e bario di Montaña, ora cu un truck di compania di sushi a ranca 4 palo di luz. ELMAR despues di un rato tambe a confirma esey. “Debi na un accidente involviendo poste di coriente, nos ta confrontando un problema den e distribucion di coriente den e area aki. Nos tecniconan ta na e sitio pa eherce e trabou di reparacion”. Pero no ta solamente e palo di luz, sino e daño cu a keda atras, incluyendo e propio truck cu a pega candela despues. Un di e palonan a cay den un cura di un hende, kibra e muraya di e cura, un bentana y laga hopi daño den e cura mes.  Te na momento cu a publica e noticia, ainda ciudadanonan na Montaña tabata keha, cu for di 9:30am e no tabatin coriente y banda di 1’or ainda nada. 

  • HOH: Hospitalisacion di pashent na Aruba ta sigui aumenta

    HOH: Hospitalisacion di pashent na Aruba ta sigui aumenta

    ORANJESTAD - Horacio Oduber Hospital ta comparti un bes mas cu comunidad di Aruba e cifranan pa loke ta luna di mei 2024. E cifranan aki di Hospital ta pa duna indicacion na tur esnan interesa di e servicionan brinda na pashentnan mensualmente pa nos profesionalnan den cuido medico. 

  • Problema di coriente a sigui, den por lo menos tres districto riba tres diferente momento

    Problema di coriente a sigui, den por lo menos tres districto riba tres diferente momento

    ORANJESTAD – Problemanan di coriente ta sigui azota nos isla. Diahuebs sigur no tabata un bon dia pa varios districto y bario rond di Aruba. Specificamente, na tres diferente occasion, tabatin interupcion di coriente y cada uno pa un motibo diferente. Cual cu sea e problema, tabatin varios bario cu a experencia esaki no uno pero hasta dos biaha riba e mesun dia, y no tabata nada contento. E prome tabata na San Nicolas, despues Santa Cruz/Macuarima tabata na beurt, y finalmente Savaneta. 

  • Programa Forum - Trafico Sigur a hala hopi atencion

     Programa Forum - Trafico Sigur a hala hopi atencion

    ORANJESTAD - Diamars dia 18 di Juni, TeleAruba a transmiti e di dos programa educativo di Trafico Sigur. Panelistanan experto a trata topico importante manera uso corecto di rotonde, e importancia di bisti faha di siguridad, inspeccion di vehiculo (keuring), y e impacto di alcohol y otro sustancianan den Trafico. E programa a haya hopi bon sintonia y e publico televidente a haci hopi pregunta.

  • A registra temblor leve cerca di costa di Aruba

    A registra temblor leve cerca di costa di Aruba

    ORANJESTAD – Un temblor leve a keda registra di forza 3.0, den laman Caribe cerca di costa di Aruba diahuebs mainta. E temblor tabata registra na 77km di profundidad y a wordo sinti pa hende cerca di e epicentro.  

  • Studiantenan den proceso pa haya Arubalening mester habri cuenta di studiante na banco local

    Studiantenan den proceso pa haya Arubalening mester habri cuenta di studiante na banco local

    ORANJESTAD - Departamento di Enseñansa Aruba (DEA), seccion Studiefaciliteiten, a recorda studiantenan cu preparacion pa esnan cu lo sigui studia ta inclui varios rekisito importante cu tin cu wordo regla mas pronto cu ta posibel.

  • Alpina
  • Powered by SETAR