• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Dentista Marsman ta denuncia dos dentista cuestionabel trahando como orthodontista

ORANJESTAD – Diaranson e dentista Hendrik Marsman a haci denuncia di otro caso contra supuesto dentista cu lo ta haciendo cosnan illegal. Den pasado e la haci denuncia publico caba unda cu e biaha ey, e dentista ey a keda deteni pa autoridadnan competente. Awor Marsman a bolbe mustra cu ‘tin fuerte indicasion cu tin 2 dentista ta traha como orthodontista aki na Aruba y cu nan certificado ta cuestionabel’. Segun e dentista haciendo e denuncia, supuestamente e dos dentistanan aki nan ta riba prueba den e ARUBIG, esta un sorto di “visitatie traject”. “Pero echo ta, cu si ta asina, cu ta 3 dentista a traha na Aruba como specialista di beugel. Pues ta traha y cobra como specialista sin cu nan tin e studio universitario como orthodontista”, Marsman ta bisa. E ta puntra cu si awor tin professor na DVG cu ta evalua e capacidat di e dentista como orthodontist ? “Ta con e“visitatie project” ey ta hinka den otro y mas importante, pakiko nan a hanja esey? Ta dentista basico nan ta anto? Si ta esey, laga nan traha como dentista anto” e ta puntra.

GOBIERNO MESTER TRECE CLARIDAD

Marsman ta mustra cu awor den man di gobierno pa trese claridad. Claridad na tur dentista na Aruba, e pueblo y e seguronan priva y AZV. E ta sigura cu dentistanan na Aruba ta man na cabes na unda por manda patient pa beugel. E ta haya cu ecalidad cu ta ser ofreci actual ta laga pa desea.

POTRET CU PRUEBA

Marsman a mustra cu potret kico e situacion ta cu un potret di un patient di 16 aña cu tin 3 aña cu beugel. Segun e dentista, AZV y e mama a paga tur e tratamento. E patient su cara lo a desforma, e bite a habri mas ainda y e ariba y abao no ta pega bon riba otro. E tin problema cu guli y ta hala rosea door di su boca, segun Marsman. “Splicami con e mucha aki por bai kauw su cuminda bon? Tin problema pa presenta asina den bida social, por ehempel awor como teenager pa invita un chick”.

Segun Marsman, esaki ta cai den e categoria di mal-practice severo y a desforma e patient su cara y dor cu e tratamento ta dura mas cu 3 aña e ta perdiendo raiz di diente. E pashent aki lo falta ainda 12 luna di tratamento y si kier drecha e cara/mordi completo e mester opera su kaak. “Esaki mester a bise for comienso” Marsman ta sigui bisa.

Segun e dentista haciendo e denuncia, un hende mester habri boca pa stop esaki di pasa, muchanan no por defende nan mes y mayornan ta confia un specialista cu e sa kiko e ta hasi. “Ta imposibel cu e calidad mester wordo controla door di mayornan cu no a studia pa esaki. Ken ta para responsabel pa e danjo na e mucha aki ? Ken ta bai paga awor e kaak operatie ?

AZV y gobierno cu ta tolera esaki door di laga e “specialista” nan aki sigi traha cu contract?”

Segun Marsman, esaki ta trabao di un “specialist” aki na Aruba. “Mi ta denuncia esaki publicamente pasobra e indicasion ta parce cu ta un dentista cu no sa su limite y gobierno ta lage traha aki como specialista”.

E pregunta awor ta :

Kiko abo como mayor lo hasi si bo hanja sa di e trato cu bo yui a hanja den 3 anja, despues di a paga 6-7 mil florin y cu mester sigi 9-12 luna y un operashon na Hulanda ? Ami no sa e contesta mesora. E ta un cos hopi lamentabel y nos mester wak den direkshon di DVG/Gobierno y tambe AZV primeramente. E ta puntra si ta bai laga nan traha como dentista basico awor u of ta bai cera nan praktijk ? “Y dor cu ami no tin miedo pa bin den prensa mi persona si ta bati alarma y boga pa un cambio na bienestar di e pueblo. No por jega na un resultado asina despues di 3 aña y a paga mas cu 6500 florin”, Marsman ta finalisa bisando.