Proceso di extradicion di Joran vd Sloot pa Merca a inicia diasabra marduga

Proceso di extradicion di Joran vd Sloot pa Merca a inicia diasabra marduga

Posted on 06/3/2023 3:21 am AST | Updated on 06/3/2023 3:24 am AST

 

LIMA – E proceso di extradicion pa Merca di Joran vd Sloot a cuminsa. Den e anochi di diabierna pa diasabra e la keda traslada di e prizon Challapalca pa un prizon den capital di e ciudad Peruano, Lima. E transporte a tuma lugar bou di hopi vigilancia. Segun fuentenan di husticia di Peru, vd Sloot ta wordo traslada entre dos pa tres dia pa e estado di Alabama na Merca pa un huicio contra extorcion y estafa di mayornan di Natalee Holloway. E ta wordo sospecha di desaparicion y posibel morto di e Mericano na Aruba na 2005. E abogado di vd Sloot, Maximo Altez a confirma e traslado di awe marduga. Cu e traslado, a bin un fin na un bay bin di discusion entre husticia di Peru y Merca, riba e garantia cu vd Sloot lo a bolbe Peru pa caba sinta su castigo pa morto di e Peruana Stephany Flores. Merca a confirma e regreso awor. Vd Sloot tin cu sinta su castigo na Peru te 2045 y despues bolbe Merca pa sinta e otro castigo. Si haye culpabel di e cargo na Merca, e por ta un homber pa ora cu e tin 82 aña. 

  • Fundador di Wikileaks ta recobra su libertad despues di deal cu husticia Mericano

    Fundador di Wikileaks ta recobra su libertad despues di deal cu husticia Mericano

    LONDON – E fundador di e portal conoci WikiLeaks Julian Assange pronto ta un homber liber atrobe despues di tabata deteni 5 aña den prizon na Inglatera. E ta na caminda pa su pais Australia despues cu a yega na un palabracion cu husticia Mericano pa un acuerdo cu ta pone cu e tin cu declara su mes culpable pa por lo menos un cargo di spionahe. Pa esaki e ta haya un castigo di 62 luna di prizon, pero como cu e la sinta 5 aña caba den prizon, e ta sali completamente liber. Prome cu e castigo di prizon, e tabata den embahada Ecuatoriano pa 7 aña pa evita encarcelacion di bida largo. E ta e persona cu a divulga hopi secretonan nacional di pais, primordialmente relata na e guera entre Merca y Iraq y Afghanistan. 

  • Los Angeles ta introduci prohibicion pa uso di cellular na scol den e districto

    Los Angeles ta introduci prohibicion pa uso di cellular na scol den e districto

    LOS ANGELES – Un candidad di riba 400 mil studiante den e di dos districto mas grandi di scol na Merca, lo wordo prohibi pa usa cellular y Plataforma di social media na scol na Los Angeles. Esaki despues cu e directiva unifica di scolnan na Los Angeles a pasa e prohibicion mas tempran e siman aki. E voto tabata 5-2, aprobando un resolucion cu mester keda desaroya den 120 dia cu ta prohibi studiantenan pa usa nan cellular durante ora di scol na scolnan. E plan lo drenta na vigor entrante januari 2025. 

  • Despues di 18 partido, tin cantidad record di auto gol den Copa Europa 2024

    Despues di 18 partido, tin cantidad record di auto gol den Copa Europa 2024

    BERLIN – Den di 18 partido den e Copa Europa 2024 tabatin 5 auto gol caba, algo nunca bisto. Asina e recordnan ta bisa di e situacion. Ayera un biaha mas tabatin un caso asina ora cu e hungador di Italia Riccardo Calafiori a hinca un auto gol, esta hinca e bala den nan propio gol den e wega contra Spaña cu a bira tambe e unico gol di e partido cu a termina 1-0 pa Spaña.  

  • Prome tormenta di temporada, Alberto a subi tera na Mexico diahuebs mainta

    Prome tormenta di temporada, Alberto a subi tera na Mexico diahuebs mainta

    MIAMI – E prome tormenta di temporada di horcan 2024, Alberto, diahuebs mainta a subi tera na Mexico, acompaña pa awacero torencial y inundacion. E la subi tera cu biento di 45 miya pa ora. Fuera di Mexico, e costa sur di e estado Mericano di Texas tambe ta keda afecta.  

  • E prome tormenta di temporada di horcan 2024 a forma y yama Alberto

    E prome tormenta di temporada di horcan 2024 a forma y yama Alberto

    MIAMI – E prome tormenta tropical di temporada di horcan 2024, a forma diaranson merdia den Golfo di Mexico y yama Alberto. E tormenta ta pronostica pa trece awacero fuerte y inundacion costal y biento fuerte pa e estado Mericano di Texas y e costa Noord oost di Mexico. Albert ta pronostica pa yega e costa di Mexico diaranson anochi of tempran diahuyebs. 

  • Nombracion di Rutte como hefe di NATO ta casi cla. Romenia so falta pa convence

    Nombracion di Rutte como hefe di NATO ta casi cla. Romenia so falta pa convence

    BRUSELAS – E nombracion di prome minister demisionario Mark Rutte como secretario general nobo di NATO, ta casi cla. Esaki pasobra Slovakia tambe a duna su aprobacion. Ayera tabata conoci caba cu Hungria tambe ta sostene e candidatura di Rutte. Romenia ta e unico cu ainda falta pa duna su aprobacion. E problema ta cu e presidente di Romenia mes ta postula pa tambe haya e funcion. Pa Rutte por keda nombra, e tur e paisnan miembro mester vota unanimamente pa e persona en cuestion. 

  • Powered by SETAR