Principe Harry y casa envolvi den ‘persecusion casi catastrofal’ na New York

NEW YORK – Principe di Inglatera Harry y su casa Meghan tabata envolvi den loke su oficina ta yama ‘ un persecusion di auto casi catastrofico’ diamars anochi di paparazzi. E voceo pa e principe a informa di esaki diaranson mainta. Esaki a bira noticia mirando cu su mama, Princesa Diana a fayece netamente despues di persecucion semehante na Paris, Francia na 1997. E principe, su casa y su suegra a caba di atende un evento di caridad na New York, ora cu e persecusion a cuminsa cu a dura casi 2 ora. E persecucion a hera resulta den accidente cu otro auto varios biaha, incluyendo posibel atropeo di peatonan.  “Mientras cu siendo un figura publico ta bin cu un nivel halto di interes publico, esaki nunca mester bin a costo di seguridad di un persona” e declaracion di e oficina di e principe a bisa.