Cas di cuido Ambiente Feliz ta bati alarma: No tin placa pa paga nos

SAN NICOLAS – E siman aki e personal di cas di cuido pa anciano Cas Briyante a bati alarma informando cu gobierno a informa nan cu ‘no tin placa pa paga salario ni pa sigi cu e proyecto’. Esaki ta un asina yama verpleeghuis pa meervoudig gehandicaped na Sanicolaas. Segun un mensahe cu a yega cerca e portal aki, a splica cu ‘ e resto di placa pa 2023 mester a drenta 2de siman di april pero nada ainda”. E personal ta bisa cu a informa nan cu ‘tabata tin un "fout" cu nan a lubida di hinke’ den e begroting pa 2023’, osea a lubida di hink’e den presupuesto. 

NO SA KI DIA TA HAYA PLACA

Tambe e personal a bisa cu no tin contesta di ki dia e placa lo pasa of si e lo pasa . “Pero ta un placa cu Gobierno a haña caba y awo no tey” nan ta sigura. Awe tin un reunion planea pero e grupo no sa kico ta spera nan. E cas aki tin mas di 10 cliente ta biba aden y nan mester di cuido special. E minister responsabel pa esaki, ta sr Rocco Tjon.