Un dama hoben ta bira e di 2 morto di trafico di Aruba pa 2023

ORANJESTAD – Diabierna atardi Aruba a registra su di 2 morto di trafico pa 2023. Tabata pa 6’or y 6 di cu  Central di Polis a wordo notifica cu tabatin un accidente basta pisa na altura di Op=Op ariba Avenida Nelson O. Oduber  (Sasakiweg). A despacha patruya policial, bombero y ambulance cu maximo urgencia na e sitio di acidente.

Na yegada di patruya por a constata un auto marca Honda a perde control dal den un mata di kwihi. Tabata tin tres persona envolvi. Dos mucha seriamente herida y un dama cu no tabata duna señal di bida. 

Lamentabelmente bombero a logra saca e curpa sin bida di e dama. Pa 7’or di anochi  Dokter Texier ta constata morto di e dama di inicialnan J.W.R.I.G. naci na Aruba di 24 aña di edad. 

A pidi specialista di trafico como tambe polis (sa na e sitio pa haci nan investigacion. Alabes Altcomisario di Polis Sr. Ramon Arnhem tambe a presenta na e sitio y mira e situacion lamentabel aki.

Noticiacla y Cuerpo Policial Aruba ta manda palabra di condolencia na famia di e fayecido