Minister Hulandes Rob Jetten di Clima y Energia ta bishita Aruba otro siman

DEN HAAG /ORANJESTAD - Minister Hulandes Rob Jetten di Clima y Energia ta bishita Aruba otro siman.  E biahe ta cuminsa na Bonaire (e ta bishita tur e islanan), y ta sigui pa Aruba. Na Aruba minister Jetten ta papia ku Gobernador, Promé Minister y e Presidente di parlamento y lidernan di fraccion. E bishita tambe ta den cuadro di e prome Caribbean Climate & Energy Conference (CCEC) cu Aruba y Hulanda ta organisa di 10 te 12 di mei. Durante e konferensia representantenan di e islanan den Caribe, pero tambe partidonan relevante pafo di e region manera por ehempel estado insular den Oceano Pacífico, organisacion di Nacion Uni, Instituto di conosemento y instancia financiero ta combersa  cu otro tocante di e posibilidadnan pa acelera e transicion di clima i energia na estadonan insular chikito. Riba e ultimo dia di e conferencia e minister ta bishita varios proyecto di energia duradero y e ta tene combersacion cu studiantenan di e Universidad di Aruba y di EPI MBO.