Intencion ta pa fin di e aña, trapasa AruParking y AruTram pa sector priva

ORANJESTAD – E intencion di gobierno di Aruba ta pa mas tarda fin di aña traspasa e companianan di Aruparking y Arutram pa sector priva. Asina minister di transporte Ursell Arends a bisa noticiacla dialuna durante e conferencia di prensa riba e re-start di Aruparking. Segun e minister, no ta asina asina esaki ta bay, y lo tuma un tempo prome cu por finalisa tur cos. Pero e ta mira cu pa fin di aña aki tur cos por ta asina leu pa haci e traspaso. Esaki e ora ta bay conforme e sugerencia di e colegio di supervision financiero di Aruba CAFT, cu no ta mira pakico  dos entidadnan aki mester ta den man di gobierno. E companianan segun e mandatario, tin derecho di existencia segun raportnan recien haci di varios instancia renombra, y awor ta bay evalua e operacion di e re-start di e.o. AruParking despues di 3 luna y wak con esaki a bay. Ademas, conforme e sugerencia insistente di CAFT, ta mira e posibilidadnan pa por haci e traspaso, y kita un peso financiero di gobierno, evitando cu tin cu sigui subsidia ambos compania.