Congresista cu menasa contra Aruba relaciona cu morto di turista Mericano

MILTON – Si autoridad di Aruba no coopera y aumenta reglanan di seguridad pa deporte acuatico riba e isla, un congresista Mericano lo apela na Departamento di Estado Mericano (State Department) pa impone un alerta di biahe contra Aruba. Asina congresista Steve Lynch a bisa e siman aki den un declaracion na prensa. Parce segun Lynch, cu Aruba no ta respondiendo manera cu nan (e congresista) kier pa trece cambio. Ta un aña pasa cu durante un trip di tubbing riba laman na Aruba, un hobencita turista Mericano a fayece  ora cu e boto di e compania acuatico envolvi,  a pasa riba dje cu consecuencia fatal. E famia Murray kier evita pa cualkier otro famia pasa den mesun tragedia cu nan a pasa aden. Nan no kier strobe otro hende di biaha pa Aruba, pero prome, mester haci algo cu e reglanan di seguridad pa actividadnan actuatico. Y segun e congresista Mericano, e lo actua, si ta necesario.