- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Na Corsou, entrada di ministernan ta bai bek na normalidad
WILLEMSTAD - E salarionan di tantu ministernan, pero tambe parlamentarionan lo bai bèk na normal entrante dia 1e di yüli 2023. Den e mesun ámbito aki sindikatonan ta negoshando pa nan miembronan haña bèk loke ainda a keda atras dje entrega. Esei EXTRA a komprondé for di un “Publicatieblad” ku nos a tuma nota di dje i tambe for di kòmbersashon ku e presidente di ABVO, sr. George Hernandez.
Manera ta konosí for di yüli 2020 tantu ministernan komo parlamentarionan a entregá parti di nan entrada (25%) pa dje forma ei demostrá solidaridat ku empleadonan públiko ku tambe a entregá.
Publicatieblad
T’asina ku nos por a tuma nota di un “Publicatieblad”, ku ta un partisipashon ofisial na momentu ku ta bai tin kambio den un lei òf un lei nobo ku ta drenta na vigor. Den e kaso aki a base di un dekreto a disidí riba redukshon riba entrada di polítikonan gobernante, i komo tal a saka un otro dekreto awor ku ta anunsiá ku e dekreto lo kaduká dia 30 di yüni 2023, loke a nifiká ku pa dia 1e di yüli 2023 e provishonnan finansiero i inmaterial manera dianan di fakansi lo bai bèk na normalidat. Ku esaki e entrega a base dje prinsipio di solidaridat ta kai.
Mas aleu EXTRA a sostené un kòmbersashon ku sr. Hernandez di ABVO pa sa kiko ta status dje provishonnan di ámtenarnan, i el a splika ku ta konosí ku e for di 1e di yüli 2022 empleadonan públiko a mira e 12.5% bèk riba nan entrada, aunke tin algun punto mas ku ABVO huntu ku otro sindikatonan ta deliberando ariba ku gobièrnu pa nan keda restablesé.
Segun sr. Hernandez, den e kaso aki por papia di ‘periodiek’; tambe indeksashon di añanan 2018 i 2019 ku nan tin derechi riba dje; 1 ½ dia di fakansi di aña 2022 ku nan tin di haña bèk; i finalmente e pago di plaka di fakansi ku tin di sigui kore atrobe e aña koriente. NOTA: E texto ta scirbi den Papiamento fonetico di Corsou.
Na Corsou, partido di coalicion PNP no ta usa credit card di 25 mil dollar!
WILLEMSTAD - E tres ministernan di Partido Nashonal di Pueblo (PNP) no a aseptá e “credit card” (tarheta di krédito) di 25 mil dòler. Esaki ta loke ku kada un dje ministernan a duna di konosé na prensa. Segun nos a komprondé ku tur e tres ministernan di PNP for di komienso no tabata di akuerdo ku e asuntu di tarheta di krédito aki, i no a vota pro esaki. Pero tòg ta keda na kada minister si ta asept’é.
Na Corsou, minister ta haya credit card di $25.000 pa gastonan di biahe di trabou
WILLEMSTAD.- For di e ministerio di finansa a Sali un dekreto nashonal ku ta atendé e parti di pago pa biahenan di trabou di ministernan. E desishon tuma siman pasá ta papia di un tarheta di krédito ku 25 mil dòler komo medio di pago pa biahenan di trabou.
Gotopo: Comerciantenan Venezolano ta bende fruta 15% mas abou cu otro comerciantenan
CORO - E vicepresidente di Cámara di Comercio de La Vela di Coro di e estado Falcón, Juan Gotopo, a expresa cu e fin di siman pasa, a sali un embarcacion cu por lo menos 38 tonelada di producto y alimento Venezolano pa Corsou. E ta sigura tambe cu e comerciantenan di Coro ta estima un crecemento economico local cu reactivacion cu islanan ABC. E la confirma den e entrevista, cu e tarifa cu e bendedornan Venezolano ta presta na e mercado flotante, nan ta bou di e prijs cu e comerciantnan di Panamá, República Dominicana y Colombia. Potret cortesia BBC
E prome dos barconan Venezolano di fruta a yega Corsou despues cu a habri frontera bek
WILLEMSTAD - Ayera mainta, eskoltá pa botonan di Wardakosta, a drenta nos haf 2 di e barkunan di fruta venezolano. Porfin nos por a bolbe yama bon biní na dos di e barkunan di fruta i bèrdura for di Venezuela despues di sinku (5) aña ku fronteranan entre Kòrsou i Venezuela a keda será.
Awe mainta e prome barconan di fruta di Venezuela ta yega Corsou
LAS PIEDRAS/WILLEMSTAD – Awe mainta e prome barquitonan di fruta y otro mercancia for di Venezuela ta yega Corsou, despues cu a habri frontera luna pasa. Diadomingo tabatin e ceremonianan corespondiente na Venezuela prome cu e salida y awe marduga nan a sali pa por a yega awe mainta na e waf di Corsou. Corsou mientrastanto a prepara henter un ceremonia di yegada pa e momento importante aki pa comercio di e pais. Tabata luna pasa cu Corsou a habri e frontera caba, pero ta apenas awe e prome cargamento di Venezuela pues ta yega. Aruba y Bonaire por spera yegada di e barkitonan aki despues, aunke no tin fecha exacto pa esaki.
Na Corsou, pa rabia un homber den divorcio a benta cas abou cu ta di su (pronto) ex casa
WILLEMSTAD - Awe mainta alrededor di 08.10’or, Sentral di Polis a dirigí un unidat polisial na un kas den área di Mahuma, pa un kaso di destrukshon. Na yegada di e unidat polisial el a bin topa ku un hòmber ku a deklará na polis ku doño di e kas ariba menshoná a dun’é enkargo pa basha e kas abou.
Follow NoticiaCla
