Un mayoria den Parlamento a aproba e ley cu ta ancra ayudo financiero durante pandemia

ORANJESTAD – Un mayoria den Parlamento a aproba e ley di MKB dialuna. “ Danki na e mayoria den Parlamento cu a sa di sostene e ley cu ta ancra e ayudo financiero cu a wordo duna na companianan mediano y chikito durante pandemia”, prome minister di Aruba, Evelyn Wever Croes a bisa. E ley ta trata e formalisacion di e yudansa financiero cu Gobierno a duna na companianan chikito y mediano durante e pandemia. “Esaki ta e manera cu Gabinete Wever-Croes a enfrenta e retonan cu e pandemia a trece cu ne”, Prome Minister a expresa.  

A PAGA 44 MIYON

Gobierno durante pandemia, a yuda e companianan cu a bin na remarke cu minimo 4 mil florin pa kwartal pa asina cubri nan gastonan. Gobierno na e momento ey y ainda ta kere cu esaki tawata sumamente necesario pa e companianan aki no kibra. Den total a paga 44 miyon florin na e companianan aki durante e pandemia.