Cinco sospechoso di caso Avestruz a keda absolvi integralmente

ORANJESTAD – Den e caso penal Avestruz, cinco di e 11 sospechosonan a keda absolvi integralmente di nan acusacion. Ta trata di e sospechosonan Edwald Biemans, Franklin Abath (Ex director di DIP), Frederick Every (chef de bureau di ex minister Benny Sevinger), Rebecca Richardson (yiu di sospechoso Leoncita Arends), y Mary Winterdaal, cu tabata traha pa Arends su companianan. Ningun di e loke nan a wordo acusa di dje, no tabatin suficiente prueba legal pa hustifica e cargo y un sentencia conforme peticion di Ministerio Publico. Tur 5 por apela of Ministerio Publico por apela e sentencianan den dos siman di tempo.   

CASTIGONAN PIDI

Pa casi tur e sospechosonan tabatin castigo pidi. Franklin Abath un castigo di 6 luna di prizon, Frederick Every 160 ora di trabou pa comunidad of 80 dia cera. Rebecca Richardson a pidi un castigo igual na loke el a pasa cera caba. Mary Winterdaal a pidi pa declar’e culpabel pero sin castigo. Y pa Ewald Biemans a pidi pa declar’e liber.