No tin interes di aeroliñan di Corsou pa bula pa Venezuela

WILLEMSTAD – E interes y animo pa bula entre Corsou y Caracas (capital di Venezuela:red), awor cu e frontera ta habri atrobe, ta minimo. No tin aeroliñanan di e isla cu a meld na autoridad di aviacion civil pa efectua buelonan riba e ruta aki. Asina e portal Curacao.nu ta raporta. Di otro banda si tin hopi interes. Entre otro e aeroliñanan Albatros y Laser kier cuminsa e siman aki cu buelonan charter. Buelonan comercial regular ta permiti pero entrante 1 di juli proximo. 

MOTIBO

Motibo pa aeroliñanan di Corsou pa no bula, ta e desconfiansa enorme den e procedura di imigracion di e pais. Segun informacion e Venezolano mester tin suficiente placa pa por drenta e pais. E aeroliña ta responsabel pa e control y si tin problema, mester debolbe e pasahero en cuestion riba propio gasto. Ademas, e aeroliñanan ta duda den e cobransa di pasashi na Venezuela, ta sosode den dollars.