Altcomisario Arnhem: Reflexiona, pordona y biba bon cu otro

MACUARIMA -  Altocomisario di Polis Sr. Ramon ARNHEM, den cuadro di semana santa kier desea nos comunidad pa reflexiona, pordona y biba bon cu otro. E pueblo di Aruba tin e previlegio pa biba den paz y seguridad. Durante e periodo Cuerpo Policial Aruba tey pa e seguridad y vigilancia.

Laga nos recorda e esencia di e temporada pa nos uni, trece paz, harmonia y bondad. Tin ora ta rekeri sacrificio di nos como Polis durante e periodo di semana santa. E sacrifico di nos como Polis pa e pueblo di Aruba ta un gran respet  cu altocomisario di Polis Sr. Arnhem nunca lo menosaprecia.

Laga es momento aki nos reflexiona, pidi pordon, y biba bon cu otro. Hunto den union nos lo sigui brinda paz seguridad pa nos digno comunidad.

Mi ta dese anos coleganan y su famia, nos pueblo di Aruba un feliz pasco di resurreccion.