Zr.Ms. Holland a intercepta durante cuater dia un cantidad di mas cu 2,2 ton di cocaina

ORANJESTAD - E barcu di Marina Hulandes Zr.Ms. Holland, durante dianan 10 y 13 di Maart ultimo, a intercepta cuater transporte di droga den Laman Caribe, y cu esaki a confisca un cantidad  di mas cu 2,2 ton di cocaina. Sinembargo ta awo, Warda Costa a raporta e informacion aki, cu ta custumber si. 

E asina yama botonan ‘go-fast’  a keda descubri pa e avion maritimo di patruya di Wardacosta Region Caribe Hulandes. Despues di e notificacion tokante e botonan rapido ‘go-fast’, Zr.Ms. Holland a manda e helicopter embarca riba e  Wardacosta Mericano, hunto cu dos boto rapido di intercepcion den nan direccion.  Dos di e cuater ‘go-fast' nan a entrega nan mes directamente. E otro dos nan a hasi esei numa despues cu a los algun tiro di advertencia. 

E total di dies sospechoso hunto cu e contrabanda, a keda transferi pa Wardacosta Mericano.  E contrabandistanan sospechoso lo keda persigui na Merca y e contrabanda ya a keda destruí.