Wever: Elmar a cumpli cu demanda, pero gobierno mester scohe tarifa nobo awo

ORANJESTAD – E compania di utilidad ELMAR a cumpli cu e demanda di gobierno. Asina minister di economia Geoffrey Wever a sigura den fin di siman. “Awe pa 12:28 mi a ricibi un carta di ELMAR y despues pa 13:35 un otro carta den cual ELMAR ta duna un propuesta pa e rebaho di e tarifa di coriente” Wever a bisa. Sinembargo no ta conoci kico e rebaho lo ta ainda si./

CONTENTO

E mandatario a sigui bisa cu e ta contento cu ELMAR a tuma e demanda di gobierno na serio y a bini cu un propuesta pa e tarifa di coriente nobo y tambe a duna un splicacion di nan propuesta. “Awor nos expertonan ta revisando e propuesta pa asina nos por tuma un decision responsabel y husto pa cu e tarifa nobo” e mandatario a sigui bisa. E mandatario a sigura cu pa e siman aki lo tin mas claridad riba e tema aki. 

RECIBO ILEGAL

E mandatario no a bisa nada si ainda di e hecho cu ELMAR a cobra e tarifa ‘halto’ no autorisa den februari, y con ta bay remedia esey awor. Tabata siman pasa cu gobierno a duna ELMAR un ultimatum pa diabierna ultimo, presenta un alternativa di e prijs nobo. No a bisa si kico lo tabata e competencia si ELMAR no cumpli cu e demanda aki.