Seleccion di Argentina ta gana Corsou 7-0 den wega di amistad

BUENOS AIRES – E seleccion nacional di futbol di Argentina a gana e seleccion nacional di Corsou 7-0 diamars anochi na Buenos Aires den un wega amistoso. E strea di wega naturalmente tabata e astro Lionel Messi, cu a hinca varios di e golnan pa su seleccion. E prome 25 minuut di e wega, e partido a keda wanta 0-0 pero e siguiente parti Argentina a score 5 gol. Den di dos tempo e otro 2 golnan a cay. E solo hecho cu Corsou a haya e oportunidad aki tabata algo grandi pa e seleccion. Ademas tabata den e wega aki cu Messi a score su di 100 gol pa su seleccion nacional, cu riba sum es ta un historia. Na final, Messi a regala su camiseta na e portero di Corsou y e la haci mescos. Esnan cu a hinca e golnan tabata Lionel Messi (3), Nico Gonzalez 1, Enzo Fernandez 1, Angel Di Maria 1 (penalty) y Gonzalo Montiel 1.