Polisnan ta bon prepara pa Semana Santa

MACUARIMA -  Recientemente un grupo di Polis a sigui un curso intensivo di di First Aid, CPR, AED y Water Rescue. E curso aki ta pa repasa y siña locual ta trata e tema di brinda e prome auxilio na un ciudadano of un turista. Tur esaki den cuadro di preparacion pa campamento y actividad rond di semana santa na lama.

E curso a wordo duna dor di Cruz Cora Aruba. Cuerpo Policial Aruba tin un bon laso di cooperacion cu otro y ta e motibo aki mes Cruz Cora Aruba a organisa un “Crashcourse” riba e temanan menciona.

Un total di 26 agente policial di diferente departamento cu tin haber cu laman of lo bay traha durante semana santa a participa na e curso. Alabes 16 voluntario di Cruz Cora Aruba tambe a participa cu polis y asina a forma un equipo cu a traha hunto cu otro pa train e prome auxilio.

Tanto polis y Cruz Cora Aruba lo bay traha hunto cu otro den e temporada di semana santa pa asina por brinda e vigilancia y seguridad na e campadornan y tur esnan cuta bay haci uzo di nos lamanan rond di Aruba.