- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Hulanda cla pa duna sosten na parti Caribense di Reino durante desaster
DEN HAAG - Si un desaster nobo presenta su mes den parti Caribense di Reino, Hulanda lo ta prepara. Esaki ta e conklushon di e revishon di maneho Reconstrukshon Islariba. E investigashon aki di e eficiensia i efikasia di e ayudo di emergensia despues di e orkannan Irma i Maria tabata un enkargo di e Gabinete i ta trata e periodo di 2017 pa 2021. Pa motibu di e impakto di e orkannan den e parti aki di Reino, e gabinete kier a siña kon pa atendé mihó ku ayudo di emergensia i rekonstrukshon na e islanan den Karibe.
Na sèptèmber 2017 e orkannan Irma i Maria a dal Islariba Sint Maarten, Saba i Sint Eustatius duru. Hulanda a brinda e promé ayudo di emergensia pa medio di e ministerio di Asuntunan Interior i Relashonnan den Reino. E investigadónan ta konstatá ku e ministerio di BZK a presta relativamente bon. Esaki apesar di e tempu pa prepará i eksperensia limitá pa guia i kordiná un krísis di e magnitut aki. Asina por ehèmpel e kamindanan grandi, e aeropuerto i haf na Sint Maarten tabata funshonal lihé. E ayudo di emergensia na Saba i Sint Eustatius tabata eksitoso i e rekonstrukshon a kuminsá lihé. E rekonstrukshon na Sint Maarten ta sigui i investigadónan ta positivo tokante di e kurso di e proyektonan grandi di infrastruktura ku ta kai bou di e fondo di rekonstrukshon di Sint Maarten.
Tòg tin espasio pa mehorashon. E investigadónan ta rekomendá pa pensa bon adelantá tokante di e magnitut di e sosten nesesario di Hulanda. Petishonnan pa yudansa di e islanan mester keda formulá mas kla. Otro rekomendashonnan ta trata e yudansa na e islanan durante preparashon pa un situashon di emergensia, desaroyo di plannan pa yudansa di emergensia i rekonstrukshon i drecha e dokumentashon interno tokante di ayudo di emergensia ku a ofresé. Tambe e investigadónan ta mustra riba e importansia di mas i mihó komunikashon ku e parti Karibense di Reino.
Pa mehorá e reakshon di Hulanda despues di desasternan den futuro, despues di e fase di yudansa di emergensia, a base di evaluashon a implementá kambio na BZK. A instituí un tim di krísis por ehèmpel i huntu ku e ministerio di Hustisia i Seguridat a traha un manual pa maneho di krísis pa e parti Karibense di Reino. Tambe ta traha na un plan ku mester duna mihó bista riba entre otro e metanan, e impakto i resultado di ayudo di emergensia.
E rekonstrukshon a terminá na Saba i Sint Eustatius. Na Sint Maarten esaki ta kontinuá. Na yüni 2022 a ekstendé e fondo pa rekonstrukshon di Sint Maarten te fin di 2028, loke ta konsiderá algu positivo den e revishon di maneho. Pa esaki tin sufisiente tempu pa terminá e proyektonan di rekonstrukshon. Tambe Hulanda ta yuda Sint Maarten pa prepará pa futuro desaster. Dor di buta konosementu i ekspertisio na disposishon i mehorá i sostené e kolaborashon ku e Wereldbank.
E gabinete ta hasi tur esfuerso pa implementá tur rekomendashon i mehorashon promé ku komienso di e temporada di orkan nobo na yüni 2023. NOTA: E texto ta scirbi den Papiamento fonetico di Corsou.
Delegacion di Aruba ta na Hulanda caba pa Reunion Interparlamentario di Reino (IPKO)
DEN HAAG – Manera cu Noticiacla a raporta caba, di diahuebs awor, 1 di juni pa dialuna 5 di juni 2023, Reunion Interparlamentario di Reino (IPKO) ta tuma laga na Den Haag. Durante IPKO, e delegacionnan di Aruba, Curaçao y Sint Maarten y Hulanda ta reuni pa debati riba tema cu ta afecta e paisnan den Reino. E temanan di e IPKO aki ta cambio climatico y adaptacion na esaki, educacion, e proximo Conferencia di Reino, seguridad di data den Reino y superacion y procesamento di colonialismo y pasado di esclabitud.
Hulanda preparando pa comienso di reunionan di IPKO na Den Haag e siman aki
DEN HAAG – Hulanda ta preparando pa ricibi Parlamentarionan di Aruba, Corsou y St Maarten e siman aki pa reunionan Interparlamentario di Reino Hulandes, conoci como IPKO. E reunionan ta tuma lugar di diahuebs 1 di juni 2023 te cu dialuna 5 di juni 2023. E reunionan lo ta presidi e biaha aki pa presidente di comision fiho di Relacionan di Reino di Tweede Kamer, esta Mariëlle Paul (VVD), riba temanan comun cu ta toca e paisnan mnciona. Temanan den e reunion aki ta entre otro cambio di clima, enseñansa, e conferencia pendiente di Reino, seguridad di data dentro di Reino y e proceso di kolonialismo y pasado di sclavitud. NOTA: E potret ta di e ultimo reunion di IPKO cu a tuma lugar na Corsou na februari di e aña aki.
Video: Hulanda ta insisti riba recorte completo di 60 miyon y ta warda si wak Aruba lo cumpli
DEN HAAG – Aruba tin cu cumpli cu e recorte di 60 miyon florin riba gasto di salud pa 2023 y mas despues. Diabierna (awe mainta) e secretario di estado Hulandes Alexandra van Huffelen a bolbe confirma esaki den un contesta na Noticiacla. E mandatario no tabata cla si pa informa kico e consecuencia ta si Aruba no cumpli fin di aña. E mandatario a splica esey den e entrevisa cortico cu e portal awe mainta. Ademas, e mandatario a toca e tema di RAFT (manera relata den un articulo anterior riba e portal) unda cu ainda ta wardando un reaccion di gobierno pakico Aruba no ta di acuerdo cu e contenido di e RAFT.
Van Huffelen: Hulanda no sa ainda pakico Aruba ta contra e concepto di RAFT
DEN HAAG – Ta mustra cu tin un problema di comunicacion entre Aruba y Hulanda pa loke ta e tema di ley di reino di supervision financiero, conoci como RAFT. Dos luna premier di Aruba a bisa cu Hulanda ta na mesa cu Aruba pa negosha riba e tema. Y ta conoci cu Aruba tin problema cu e ley. Sinembargo awe diabierna mainta, a resulta cu Aruba ainda no a informa Hulanda kico e problema ta. “Gobierno di Aruba mester informa nos riba esey ainda” secretario di estado Hulandes Alexandra van Huffelen a bisa Noticiacla diabierna mainta den un entrevista cortico cu e mandatario. Pues mientras cu ta negoshando, toch ainda Hulanda no sa kico e problema pa cual Aruba no kier acepta e ley aki, ta. E ley ta condiciona na refinanciamento di e debe di Covid cu Aruba mester paga Hulanda bek e aña aki y ta algo cu Aruba a admiti dos luna pasa tambe. “Nos a palabra anteriormente cu nos ta bay traha un ley di Reino pa supervision financiero, y e reaccion di Aruba no a wordo manda pa nos (ainda)” van Huffelen a bisa. “Mientrastanto nos a informa nan tambe cu nos no solamente ta haya cu e ley mester bin, pero cu e ley ta condiciona na palabracion riba refinanciamento di e sosten di likidez” van Huffelen a bisa. Lamentablemente, Aruba segun e mandatario, on a informa Hulanda nada.“Pero riba esey, Aruba ainda tin cu informa nos ariba” e mandatario a finalisa bisando.
CAFt: Aruba ta rekeri reforma y esfuerso firme pa cumpli miho riba corto plazo
DEN HAAG – Aruba ta rekeri reforma y esfuerso firme pa mehora cumplimento fiscal riba corto plazo. Asina e colegio di supervision financiero pa Aruba CAFt a bisa secretario di estado Hulandes Alexandra van Huffelen durante nan bishita e siman aki na Hulanda. Di 22 pa 24 di mei 2023 e Colegionan di supervision financiero a haci un bishita di trabou na Hulanda. Aya nan a reuni cu Secretario di Estado di Asuntonan Interno i Relacion den Reino, Secretario di Estado di Finansa, e miembronan di Eerste y Tweede Kamer, e Ministernan Plenipotenciario, Controlaria General (Algemene Rekenkamer) y Conseho di Estado (Raad van State). Durante e combersacionnan a papia tocante un trayectoria plurianual pa logra un finansa publico sostenibel y e prioridadnan principal relaciona cu esaki pa e paisnan y entidadnan publico den Caribe.
Minister Hulandes Franc Weerwind di Proteccion Hurdico ta bishita Aruba otro siman
DEN HAAG - Minister Franc Weerwind di Protekshon Hurídiko ta hasi Boneiru, Aruba i Kòrsou un bishita di trabou di 21 pa 27 di mei. E bishita ta prinsipalmente den kuadro di sera konosí i den su ròl komo e persona responsabel pa diferente parti di sistema riba tereno di Hustisia i Siguridat. Tambe e ta hiba kombersashon tokante e pasado di sklabitut.
Follow NoticiaCla
