- Departamento di Progreso Laboral (DPL) cu campaña pa entrega Formulario AMR 2023 den luna di Juni 2023
- Directie Financiën ta informa di e condicionan ora di trata cu cobransa pa instancianan di Gobierno
- Foyeto Abo ta bay studia dentro di poco na Hulanda – con pa registra den BRP
- DUCAPRO a presenta un plan pa promove e industria creativo y proteha e artistanan
- E prome barco di fruta y berdura di Venezuela ta yega Aruba dialuna awor
Dr Jose Sprok: Costa Rica ta opcion atractivo pa studiantenan di Aruba cu kier studia medicina
SAN JOSE- Costa Rica ta un opcion atractivo pa studiantenan di Aruba cu kier studia ciencia di bida y salud. Asina e dokter Arubiano Jose Sprok ta bisa recientemente na Noticiacla. Dr Sprok ta splica cu Ucimed i actualmente tin 36 studiante den formashon.
E Universidad de Ciencias Médicas, UCIMED, a lidera e formashon di e profeshonalnan den salud na Costa Rica, riba nivel priva, durante e ultimo 45 anjanan i awor, den e marco di su aniversario, a dicidi di amplia e oferta academico internashonal ku e apoyo di e Grupo Galileo Global Education, ku kende a firma un aliansa na december 2022.
Den e caso di Aruba y Corsou, for di varios añanan caba e futuro profeshonalnan a scohe e pais centroamericano. Ehempel di esaki, ta Dr Sprok, kende ademas di a gradua na UCIMED, actualmente ta e decano di e carrera di Medicina.
Varios factornan ta hasi cu awendia e futuro profesionalnan ta demanda un formacion mas integral, cu un vishon global cu ta prepara e profeshonalnan pa responde riba e necesidadnan di salud di e poblacion mundial.
Esey Universidad de Ciencias Médicas, UCIMED, a comprende, y, e ta prepara pa ofrece su oferta academico, cku e rekerimentonan di e mercado laboral internacional. Segun Dr Sprok, e universidad ta ofrece actualmente e carreranan di: Medicina, Farmacia, Nutricion, Microbiologia y Fisioterapia, ademas di e specialidadnan pa dokternan local den Ginecologia y Obstetricia, Medicina Familiar y Comunitaria y Pediatria. Di otro banda tambe tin e Instituto de Ciencias de la Salud, INCISA, cual ta ofrece carreranan tecnico. Además tin e master den hospital management.
Dr Sprok ta sigui splica cu e Grupo Galileo Global Education, ta e mas grandi di Europa, den educacion superior priva, cu mas di 200.000 studiantenan y 100 campus den henter mundo, mientras cu UCIMED ta e universidad líder den formacion di e profeshonalnan den ciencia di salud di regio.
“Durante e aña aki, UCIMED ta prepara su mes pa incurciona den un mercado mas competitivo, pero cu ta representa un oportunidad y crecimento i di expanshon pa UCIMED. E aliansa aki lo hasi e intercambio academico mas grandi ku otro institushonnan importante na henter mundo, tambe den innovashon y implementashon di productonan tecnologico y plataformanan educativo” Dr Sprok ta sigui bisa.
“E reto aworaki ta den forma profecionalnan cu un vishon global, pasobra nos kier preparanan no unicamente pa e necesidadnan di e poblacion den regio, sino tambe, pa atende e requerimentonan di e mercado mundial. Tin problemanan di salud den otro paisnan den mundo y e obhetivo ta cu esnan gradua di nos universidad keda capacita y bon prepara pa atende e necesidadnan aki y, cu esey, nan por amplia nan vision y desaroya nan mes pa traha como profesionalnan rond mundo”, Dr Sprok a remarca.
Hunto ku e acuerdo di e aliansa, nos universidad ta celebra su aniversario, recordando algun di e logronan cu a marca historia den materia di salud yeducacion, na Costa Rica:
- Prome universidad priva den ciencias de la salud, di e pais.
- Prome universidad den firma convenio ku Caja Costarriscense de Seguro Social pa formashon di specialistanan den campo medico.
- Prome universidad di Centroamerica y Caribe, den obtene e acreditashon internashonal (WFME) pa su facultad di Medicina.
- E unico universidad ku un comishon etico cientifico i un institushon di investigashon.
- E unico universidad priva den forma microbioloognan.
- Prome universidad priva, den su campo, ku tin e 100% di su carreranan acreditada pa SINAES.
- E unico universidad priva cu ta haña fondonan di gobierno pa investigacion. E area di investigacion acadrmica, a realisa mas di 56 investigacion comproba, for di aña 2000.
Ex gobernador di New Jersey ta haci intento nobo pa bira president di Merca
MANCHESTER – Ex gobernadro di estado Mericano di New Jersey Chris Christie lo anuncia su candidatura pa presidencia di Merca pa 2024 otro siman diamars. Ta su di dos intento, despues cu e no a logra na 2016. E biaha ey e la termina na di 6 lugar. Despues e la endorsa Donald Trump cu a bira presidente.
Joran vd Sloot a keda mal bati den prizon na Peru prome cu extradicion
LIMA – E sospechoso principal di desaparicion di e mericano Natalee Holloway, Joran van der Sloot, a wordo bati severamente den prizon na Peru unda cu e ta sinta castigo pa asesinato di Stephany Flores. Asina su abogado a bisa e cadena di television Mericano ABC NEWS. E abogado no ta kere cu e ta relaciona cu e extradicion di vd Sloot pa Merca e siman aki. E sospechoso ta wardando extradicion pa Merca riba cargo di extorcion y fraude di intento di beneficia financieramente di e desaparicion di Holloway na 2005. Awe por cierto ta cumpli 18 aña cu e Mericano a disparce na Aruba. Vd Sloot actualmente ta den e seccion medico di e prizon y a pidi su traslado pa otro prizon mas liher cu ta posibel.
Conocida cantante local Carolyn Kelly a fayece repentinamente na Spaña
ORANJESTAD – Conocida cantante di Aruba Carolyn Kelly (49) a fayece repentinamente na Spaña e siman aki. E famia diabierna a confirma e noticia lamentable aki. Kelly tabata na Spaña di vacacion cerca su yiu grandi, y aki tres dia lo mester a celebra su di 50 cumpleaños. Carolyn a traha su nomber cantando e.o. cu gaitas y tabatin varios cancion otro tambe riba su nomber. Ademas ta bon pa menciona cu e ta yiu muher di e conocido cantante Vicente Kelly (Dfm). Informacionan ricibi, ta bisa cu e tabatin problema cu su pancreas pa un tempo, pero no a haya solucion pa esaki. E portal 24ora ta raporta cu diripiente den un supermercado na Spaña, Kelly a dal abou y perde conocemento, pero ya no por a haci nada mas p’e. Noticiacla ta manda palabra di profundo pesame na famianan di Carolyn. Cu Carolyn sosega na paz.
Schlipken (ATA): Aruba y Colombia ta comparti lasonan di e.o. turismo, economico y comercial
BOGOTA - Na ocasion di 40 aniversario di A.T.A. na Colombia, director di A.T.A. Latino America, Jordan Schlipken a elabora riba e posicion importante cu Colombia tin pa Aruba y e conexion entre e dos paisnan. No tin ningun duda cu Aruba y Colombia ta comparti lasonan economico y comercial, cultural, di salud y mas cu claro - di turismo.
Altez: Fanaticonan rond mundo ta manda Joran vd Sloot placa tur luna
LIMA – E por ta cera den un prison teribel, y encarcela pa asesinato, pero asina mes e tin su fanaticonan rond di mundo cu ta mande placa tur siman, pa straño cu por zona. Hopi no por kere cu tin hende cu ta sostene, asabiendas di loke e ta cera pe y ta wordo sospecha ainda di dje. Otronan ta pensa cu aunke cu e ta cera, e ta keda un ser humano y cu e tin derecho pa tin algo di bida. Y a base di esey, e muhernan fanatico ta mande placa. E sospechoso principal di desaparicion di e Mericano Natalee Holloway, esta Joran van der Sloot, tin fanatico rond di mundo cu a mande un averahe di 400 dollar Mericano pa luna. Asina su abogado Peruviano Maximo Altez ta bisa. Segun e abogado, su cliente ta responde tur su fanaticonan femenino cu nan carta. “Tur su fanaticonan di henter mundo ta mande carta. Mi a huur un P.O. Box p’e pa e ricibi esey. Tin carta cu 10 euro, 20 euro, 5 dollar. Nan ta scirbie carta cu placa, y e ta contesta nan tur” Altez a bisa. Na tur mas of menos 400 dollar e ta ricibi tur luna di su fanaticonan.
E cantante legendario Tina Turner a fayece na edad di 83 aña
ZURICH – E cantante legendario Mericano Tina Turner a fayece diaranson na Suiza, na edad di 83 aña. E ta ganadora di por lo menos 12 premio Grammy’s, a presenta un carera musical electrificante pa mas di 5 decada y tabata adora pa su fanaticonan. Lo tin un entiero priva pa famia y amigonan cera di dje.
Follow NoticiaCla
