Soul Beach Music Festival 2023 a añadi mas artista pa e line-up pa Aruba

ORANJESTAD – E organisadornan di Soul Beach Music Festival 2023 a añadi mas artista pa e line-up pa e aña aki. Tabata diaranson atardi durante e conferencia di prensa, e organisador Mark Adkins a anuncia tres nomber extra cu lo presenta durante e fin di siman di e festival. Ta trata di e.o. e cantante Anthony Hamilton cu a wordo añadi pa e diasabra anochi, mientras cu a añadi comediantenan Dean Cole cu Tiffany Haddish pa e anochi di comedia, riba e diabierna. E otronan manera The Roots, Jill Scott y Lucky Daye a keda anuncia caba durante un raporta anterior di primicia di Noticiacla algun tempo atras. 

E FESTIVAL

E festival mes ta tuma lugar di 24 te cu 29 di mei, 2023 unda cu Aruba lo ta anfitrion un biaha mas di Soul Beach Music Festival. E ‘headliners’ pa e evento aki ya ta conoci unda Chase Anthony lo ta e “host” diabierna anochi pa e Comedy Night. Dean Cole cu Tiffany Haddish cu a keda confirma diaranson mainta, lo presenta e anochi aki. Diasabra anochi The Roots y Anthony Hamilton (esun nobo cu tambe a keda confirma diaranson mainta)  lo ta presentando y diadumingo anochi Jill Scott y Lucky Daye lo ta presentando. Pa ambos anochi Chris Spencer lo ta e “host”.