WEB ta alerta di chens minimo di interupcion di coriente durante testmento di e planta RECIP IV

WEB ta alerta di chens minimo di interupcion di coriente durante testmento di e planta RECIP IV

Posted on 03/23/2023 10:27 am AST | Updated on 03/23/2023 10:27 am AST

BALASHI – E compania di utilidad WEB Aruba NV, a alerta diahuebs cu debi na trabounan di test e planta di generacion di coriente diabierna awor, ta keda posibilidad minimo di interupcion di coriente  . Segun e informacion ricibi, e vocero di e planta a splica cu “ como parti di proyecto RECIP IV, diabierna 24 di maart 2023 lo tuma lugar varios test den planta di generacion di coriente di WEB”. Ademas e ta sigui bisa cu e test aki ta necesario pa por pa confirma cu e planta nobo ta funciona debidamente. “Mirando e magnitud y riesgonan envolvi cu e trabou, ta keda existi un posibilidad minimo cu por surgi interupcion di coriente” e informacion ta sigui bisa. “E grupo di proyecto RECIP IV, hunto cu coleganan di diferente departamento na WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente”, e informacion ta finalisa bisando. Ta conoci cu WEB ultimo tempo no tabatin su miho momento cu otro apagon recien, aunke cu mientrastanto a sigura cu a logra haya e problema y cu a sigura cu esaki lo no sosode mas of sigur di forma minimal. 

  • Zulo
  • Powered by SETAR