Seleccion nacional di futbol a yega Corsou pa prepara pa wega contra Panama y Argentina

WILLEMSTAD- Ayera nochi gran parti di e miembronan di selekshon nashonal di Kòrsou a yega pa asina kuminsá prepará pa e wega kontra Canada bálido pa CONCACAF Nations League. 

20 di e hungadónan huntu ku e staf di selekshon enkabesá pa Remko Bicentini ta na Kòrsou despues di un buelo largu for di Hulanda. Presidente di FFK huntu ku algun otro fanátiko a risibí e grupo na nan yegada. Eloy Room a yega poko mas trempan, mirando ku for di mainta trempan el a sali Merka pa asina yega Kòrsou.

Miéntras Leandro Bacuna ayera a bira tata i a pone ku e ta yega awe Kòrsou pa uni su mes ku sobra di e selekshon. Kenji Gorré tambe ta yega awe mirando ku el a hunga te lat djadumingu kual a hasi difísil pa e por a biaha ayera.

Pa loke ta trata Darryl Lachman ainda no ta konosí ki dia e defensa sentral ta yega. Lachman ta hunga pa e ekipo di Perth Glory na Australia, tin un biahe largu pa hasi pa asina e por yega Kòrsou.

Lo tin algun práktika tambe di selekshon nashonal kaminda habri pa entre otro fanátikonan.

Esaki lo ta djamars 21 mart 18:30 or -20:30 or pm i tambe djárason 22 mart 17:30 or -19:30 or pm

Tur dos lo tuma lugá na Stadion Ergilio Hato. NOTA: E texto ta scirbi den Papiamento fonetico di Corsou.