Warda Costa y KPA a intercepta boto cu 5 indocumenta drentando Aruba

Warda Costa y KPA a intercepta boto cu 5 indocumenta drentando Aruba

Posted on 03/20/2023 9:11 am AST | Updated on 03/20/2023 9:11 am AST

ORANJESTAD - Ayera den oranan di anochi Kustwacht y KPA ta detecta un boto drentando awanan territorial di Aruba. Den cuadro di bon cooperacion y cu bon coordinacion KPA y Kustwacht a logra intercepta un boto cu tawata tin for di direccion di Venezuela cu intencion pa drenta Aruba. Pa a logra stop e boto personal di Wardacosta mester a los algun tiro di advertencia. Abordo di e boto tawata tin 5 hende homber di nacionalidad Venezolano.

E capitan di e boto a ser entrega na e recherchenan di Unit Georganiseerde Criminaliteit. E caso ta den pleno desaroyo y e investigacion lo sigui su curso.

  • Polis a detene varios hende durante control nacional di trafico den tur districto

    Polis a detene varios hende durante control nacional di trafico den tur districto

    MACUARIMA - Diabierna anochi Cuerpo Policial Aruba a tene un Control Policial Nacional den tur districto rond di Aruba. A infoca principalmente ariba maneha un vehiculo bou influencia pero como tambe a parti diferente sorto di boet.

  • KPA: Interes ta halto bou di nos hobennan pa bira polis

    KPA: Interes ta halto bou di nos hobennan pa bira polis

    MACUARIMA - Na Abraham de Veer School situa na San Nicolas a tuma lugar un anochi di informacion. Cuerpo Policial Aruba bou invitacion di e dicho scol a duna presentacion y informacion na tur hoben cu ta interesa of kier a haya sa mas tocante Cuerpo Policial Aruba.

  • Polis a detene dos persona durante entrada hudicial na George Maduro Straat

    Polis a detene dos persona durante entrada hudicial na George Maduro Straat

    ORANJESTAD - Diahuebs Unit Narcotica  a tene un entrada hudicial na un cas na George Madurostraat.  Durante e entrada hudicial a detene dos persona.  Ta trata di C.C.R.R. di 31  aña naci na Aruba y J.G.K. di  42 aña naci na Aruba. Durante e entrada hudicial a confisca  droga y un arma di candela. 

  • Operation Command Center cu 258 camera por lo vigila rond Aruba den ‘real time’

    Operation Command Center cu 258 camera por lo vigila rond Aruba den ‘real time’

    ORANJESTAD - Diabierna awo, lo tin e apertura di e Operation Command Center na Savaneta. Na e localidad lo tin monitor super moderno pa controla tur e  258 camara, esta e camara di surveillance. Tambe ta trece den e Operation Command Center e Radar Kamer y Central di Polis, esta Centrale Meld Kamer. Segun minister di husticia Rocco Tjon, asina ta logra combati criminalidad mas eficiente, alabes preveni criminalidad door di por actua mucho mas lihe den “real time” y por resolve e casonan cu menos capacidad humano. Segun e mandatario, Aruba tin e Operation Command Center mas moderno y esun miho ekipa den nos region.

  • Polis a detene hende na Tamarijn relaciona cu articulonan horta

    Polis a detene hende na Tamarijn relaciona cu articulonan horta

    ORANJESTAD - Awe den oranan tempran departamento di recherche Santa Cruz a bay na un cas na Tamarijn pa un detencion y como tambe a haci un listramento na e parcela. 

  • Wardacosta ta detene boto cu dos persona, 700 kilo di droga

    Wardacosta ta detene boto cu dos persona, 700 kilo di droga

    ORANJESTAD - Diasabra mainta Wardacosta a detecta un boto sospechoso riba lama yegando costanan di Aruba. Mesora a manda patrulla di Wardacosta pa bai detene e boto cu tawata nabegando rumbo pa Eagle Beach. Na momento cu boto y e cuater personanan a yega costa y tuma nota di autoridad, nan tur a purba huy. E agentenan di Wardacosta a logra detene dos di e personanan, mientras otro dos a logra huy. Wardacosta a lanta su helikopter tambe pa patrulla e area for di laira. Durante control na bordo di e boto e agentenan di Wardacosta a haya diferente pakete cu droga y 3 arma. E dos hombernan cu a ser detene di nacionalidad Colombiano y Venezolano huntu cu mas di 700 kilo di droga a wordo entrega na Cuerpo Policial Aruba y ta pendiente pa mas investigacion.

  • Powered by SETAR