- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Aruba su aeropuerto a haya acreditacion “Airport Carbon Level 3”
ORANJESTAD - Aruba su aeropuerto Reina Beatrix a haya acreditacion “Airport Carbon Level 3” . Den e vision, meta y obhetivonan di Aruba Airport Authority N.V. (AAA), ta defini sostenibilidad como un di e pilarnan strategico mas importante di e compania. AAA tin e ambicion pa ta e aeropuerto mas sostenibel den e region y cu orguyo ta anuncia nan ultimo logro, Airport Carbon Accreditation Level 3.
Na 2018, aeropuerto di Aruba a drenta e Airports Council International’s (ACI) Airport Carbon Accreditation (ACA) program, cu ta e unico programa global, specificamente pa aeropuerto, di maneho di carbon pa aeropuerto. Ta ekipa e aeropuertonan cu un structura y ta evalua y reconoce e esfuersonan di e aeropuertonan pa maneha y reduci su carbon emissions a traves di 6 nivel di certificacion: Mapping, reduccion, optimalisacion, neutralidad, transformacion y transicion.
Door di logra e Airport Carbon Accreditation Level 3 – Optimisation, AAA a involucra demas partidonan den carbon footprint management y amplia e alcance di su carbon footprint pa inclui un calidad di emision di Scope 3. E partidonan ta inclui aerolinea y demas cu ta brinda servicio manera ground handlers, compania di catering, compania di combustibel y demas cu ta traha na aeropuerto. Accion realisa pa midi, maneha y reduci e carbon footprint a inclui recopilacion di data, inspeccion, auditing y calculacion di emision GEI entre otro esfuersonan.
“Nos ta felicita Aruba pa ta e prome aeropuerto den Caribe Oriental pa alcansa e Level 3 “Optimisation” den e Airport Carbon Accreditation program. Un biaha mas management y trahadonan di Aeropuerto Internacional Reina Beatrix a demostra nan liderazgo y compromiso pa un industria di aviacion mas sostenibel", tabata palabra di Rafael Echevarne, director general di ACI-LAC.
Angeline Flemming, Director Health, Safety and Sustainability di AAA, a indica cu: “e logro aki ta concentra e esfuersonan y compromiso di nos personal, comunidad di aeropuerto, socio y stakeholderspa haci AAA e aeropuerto mas sostenibel den e region. E certificacion aki ta parti di e strategia a largo plaso di aeropuerto y nos ta spera di curasha demas organisacion pa adopta practica sostenibel den nan operacion diario y pa busca certificacion cu lo contribui na un manera miho y mas sostenibel di haci negoshi.”
Joost Meijs, CEO di AAA, a comenta cu “como parti di nos meta y obhetivo di sostenibilidad, nos meta ta pa alcansa cierto nivel di certificacion den e proximo añana. E programa ACA ta brinda un oportunidad unico y alabes ta brinda e herment pa asina e aeropuertonan maneha nan carbon footprint di un manera apropia. Tambe pa guia y sostene e aeropuertonan durante e proceso pa mehora cu sosten den e partidonan interesa. Pa por a yega e nivel 3, ta demostra e compromiso di aeropuerto y stakeholder pa negosha cu respet pa nos medio ambiente.”
SETAR ta sponsor di Soul Beach Music Festival 2023
DOW: Construccion ta cuminsa di proyecto pa mehora sistema di drenahe na Palm Beach
Censo lo ta cera pa motibo di upgrading di nan sistema di software
WEB ta alerta di chens minimo di interupcion di coriente durante testmento di e planta RECIP IV
BALASHI – E compania di utilidad WEB Aruba NV, a alerta diahuebs cu debi na trabounan di test e planta di generacion di coriente diabierna awor, ta keda posibilidad minimo di interupcion di coriente . Segun e informacion ricibi, e vocero di e planta a splica cu “ como parti di proyecto RECIP IV, diabierna 24 di maart 2023 lo tuma lugar varios test den planta di generacion di coriente di WEB”. Ademas e ta sigui bisa cu e test aki ta necesario pa por pa confirma cu e planta nobo ta funciona debidamente. “Mirando e magnitud y riesgonan envolvi cu e trabou, ta keda existi un posibilidad minimo cu por surgi interupcion di coriente” e informacion ta sigui bisa. “E grupo di proyecto RECIP IV, hunto cu coleganan di diferente departamento na WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente”, e informacion ta finalisa bisando. Ta conoci cu WEB ultimo tempo no tabatin su miho momento cu otro apagon recien, aunke cu mientrastanto a sigura cu a logra haya e problema y cu a sigura cu esaki lo no sosode mas of sigur di forma minimal.
Do it Center y Éxito Wow ta uni pa expandi nan selección di producto na Aruba
DEA ta organisa sesion di informacion pa esnan cu kier bay studia na Hulanda
ORANJESTAD - Departamento di Enseñansa Aruba (DEA) ta invita tur esnan cu tin interes pa bay studia na Hulanda, pa un sesion di informacion cu Dienst Uitvoering Onderwijs (DUO). DUO ta na Aruba di 20 te cu di 30 di maart proximo pa asina asisti tanto e studiantenan cu tin intencion di bay studia na Hulanda, como tambe e ex-studiantenan.
Follow NoticiaCla
