- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Fitch a ‘upgrade’ e cualificacion di Aruba pa BB+ cu perspectiva stabil
NEW YORK – E agencia di cualificacion ‘Fitch Ratings’ a actualisa e cualificacion di Aruba (upgrade) su cualificacion di emision di placa stranhero di largo plazo di BB pa BB+. E la bisa tambe cu e perspectiva di cualificacion ta stabil. E resultado di e upgrade aki ta refleha e recuperacion economico y fiscal fuerte despues di pandemia di e isla, maneha primordialmente pa turismo. Mes momento Fitch ta bisa cu Aruba ta beneficia di e sosten solido di institutonan Hulandes y e gobierno Hulandes y e beneficio di e sosten financiero como miembro di Reino Hulandes. Fitch ta papia tambe di e cualifcacionan cu ta restringi pa e peso halto di e debe publico y e interes y vulnerabilidad di e economia basa riba un pilar economico, contra cualkier golpi externo.
PRONOSTICO
Fitch, basa riba e informacion cu e tin, ta pronostica un crecemento lento di 3% den 2023, pues menos cu 2022 (unda cu a papia di crecemento di 7%. Esaki ta debi cu e crecemento den turismo lo keda afecta pa inversion y consumo debil di parti di e mercado Mericano, e mercado mas grandi di Aruba. Un posbel recession na Merca ta presenta algun riesgo na e caida, atrobe, pasobra Aruba ta conta fuertemente (78%) di su turismo for di Merca. Pa e relato completo di Fitch, click AKI.
Aruba a ricibi su prome buelo di British Airways diadomingo
ORANJESTAD - E yegada di e vuelo inaugural di British Airways ta representa un era nobo pa Aruba su turismo, ya cu nos lo ta conectando directamente cu un di nos mercadonan di mas importante na Europa. Aruba ta presente den e mercado di Reino Uni desde 1997, y ta consistentemente e di dos mercado mas grandi pa Aruba den Europa.
Awe nochi ta bo chens di gana 650 mil florin cu Lotto 5
DIMP: Dia 31 di maart 2023 ta ultimo dia pa entrega ‘verzamelloonstaat’ di 2022
ORANJESTAD – Departamento di Impuesto ta recorda cu e fecha final pa entrega e lista colectivo di salario (verzamelloonstaat of VZL) y e lista colectivo di pago na tercera persona (verzamelstaat opgaaf derden of VOD) di aña 2022 ta 31 di maart 2023.
ATA: Na 2022 Soul Beach Festival tabatin impacto economico di 12.4 miyon dollar
ORANJESTAD - Na 2022 Soul Beach Festival tabatin impacto economico di 12.4 miyon dollar. Asina representantenan di Aruba Tourism Authority (ATA) a informa durante e conferencia di prensa unda cu a presenta detayes di e di 21 edicion di e festival. Manera ya a comparti den pasado, A.T.A. ta midi e impacto economico cu un evento manera esaki ta trece pa Aruba pa di e forma ey calcula con rendabel e inversion ta. Na 2022, segun ATA, Soul Beach tawata tin un impacto economico directo pa Aruba di 12.4 miyon, atrayendo 6,339 bishitante internacional cu a cumpra tickets pa e concierto. 74% di e bishitantenan aki a bin specificamente pa e concierto. E gasto averahe pa persona, pa dia tawata $427 y a conta cu un estadia averahe di 6.15 anochi.
S&P:Aruba ta mantene su cualificacion di BBB, cu panorama stabiel
WASHINGTON – Standard & Poors Ratings (S&P) a re-afirma e cualificacion (credit rating) di pais Aruba na BBB y e panorama stabiel. Esaki ta resultado di un evaluacion teni door di S&P Ratings den luna di januari na unda a papia cu varios actornan den Gobierno y sector priva.
Ta ta celebra Dia Mundial di Awa 2023 y ta observa esaki cu e tema “Acelerando Cambio”
ORANJESTAD - E dia Mundial di Awa 2023 ta enfoca riba aceleracion di cambio pa resolve e crisis di awa y sanidad na nivel global sin laga ningun hende atras. Na 2015, mundialmente a compromete na e 17 metanan mundial pa desaroyo sostenibel cu nan ta yama na Ingles “SDGs, Sustainable Development Goals,” cu ta parti di e Agenda 2030 di Nacionnan Uni. E meta SDG 6 ta implica cu tur hende lo tin siguransa di acceso na awa cu lo ta maneha na un manera sostenibel y tambe acceso na sanidad pa aña 2030. E realidad di e ponencia di meta SDG 6 ta cu tin un deficiencia den e ciclo di awa, cual ta complica y ta tranca e proceso di e avansenan pa mayoria di e retonan (global), manera salubridad, hamber na mundo, igualdad di genero den mercado laboral, educacion apropia pa industria, calamidad y paz.
Follow NoticiaCla
