Sindicato TOPA a prefera sinta na mesa cu gobierno envez di manifesta riba prestatiemanagement

ORANJESTAD – Sindicato TOPA a opta pa no participa den e manifestacion di e bloke sindical diahuebs mainta contra e ley di prestatie management. Segun e sindicato, nan tin un diferencia di opinion cu e bloke, riba con pa anda cu e asunto. Contrario na e bloke, TOPA kier duna un presentacion prome di e plan pa atende cu e ley, y despues si mester, revoca esaki. E sindicato a splica tambe cu mientrastanto nan a reuni cu gobierno y a haya aprobacion di gobierno pa por bin y presenta e powerpoint presentation cu TOPA a prepara. Nan a duna e presentacion, segun e sindicato y TOPA a splica cu a keda palabra cu lo institui un comision technico cu lo haci un revision di e LBHAM y e NOTA. Ademas e comision technico lo traha su conseho y entrega esaki na Gobierno di Aruba. Y finalmente, e comision technico lo presenta e resultado di nan investigacion y recomendacion na Gobierno y sindicatonan. Por lesa e comunicado di TOPA AKI.