Partido Demokratico Boneriano a gana eleccion na Bonaire

Posted on 03/16/2023 7:16 am AST | Updated on 03/16/2023 7:17 am AST

KRALENDIJK – E partido cora Democraat (Partido Demokratico Boneriano) a gana e eleccion na Bonaire diaranson. Despues di tur e votonan conta, e partido a logra haya 4002 voto cu ta bon pa 3 asiento limpi. E partidonan actualmente formando un coalicion, esta UPB y MPB a logra 2902 y 2038 voto respectivamente, cu ta bon pa 3 (2 +1) y 2 (1+1) asiento respectivamente. E partido nobo M21 a logra 979 voto den su prome salida, cu ta bon pa 1 asiento danki na e sistema di restzetel. E resultado ta preliminar ya cu e resultado oficial tin cu keda estableci ainda. E otro partidonan UPP y URP cu 267 y 63 voto respectivamente no a logra haya asiento.

SITUACION

Esaki kier men cu e gran perdedor den e caso aki ta e partido MPB cu a bay atras seriamente den voto. Asina mes, e resultado sinembargo por nifica cu e coalicion actual por keda sinta si e dos partidonan cera cabez y uni manera tabata e caso anteriormente. Esaki lo por nifica manera cu sa ta e caso, e partido cu realmente a gana e eleccion anochi, ta ‘perde’ mainta ya cu otronan ta dicidi di lague afo y forma algo hunto, acumulando asina suficiente voto y asiento pa tin mayoria. Tin tambe sinembargo e posibilidad cu Democrat por dicidi di forma cu M21 of cu un otro partido y asina toch bira e partido nobo cu ta forma un gobierno insular na Bonaire.

Gotopo: Prolongacion di cierre frontera cu Venezuela ta un medida absurdo
CARACAS – E medida di prolongacion di ciere di frontera cu Venezuela, door di gobierno di Aruba, ta un medida totalmente absurdo. Asina e vice presidente di La Camara de Comercio y Turismo de La Vela de Coro, Juan Gotopo a bisa Noticiacla diahuebs mainta. Manera ta conoci Aruba a dicidi dialuna atrobe pa prolonga e ciere aki cu 4 luna. “E medida di ciere di frontera tuma pa e gobierno di Aruba, ta parce nos un medida totalmente absurdo, ilogica y sin sinti”, Gotopo a sigui bisa. Segun Gotopo, si pone e asunto den balansa, e ta bay contra e interes di e propio Arubianonan.
Mas Region
Lesa Mas
Inflacion ta mas abou na Boneiru, mas halto na Sint Eustatius y Saba
KRALENDIJK - Den e promé kuartal di 2024, produkto- i servisionan di konsumo na Boneiru tabata 3,5 % mas karu ku e aña anterior. Den e di kuater kuartal di 2023 inflashon ainda tabata 4,1 porshento. CBS ta indiká esaki a base di e índise di prèis pa konsumidó na Hulanda Karibense.
Mas Region
Lesa Mas
St. Maarten tambe ta boga pa saca formashon di gobierno for di man di gobernador
W’STAD/PHILIPSBURG - Formashon di gobièrnu inkluso nombramentu di minister mester ta den man di parlamento i no di gobernadó, meskos ku ta e kaso na Hulanda. Asina presidente di parlamento di St. Maarten, Sarah Wescot-Williams a trese dilanti durante un konferensia di prensa. A yama e konferensia di prensa riba preokupashon ku ta biba na St. Maarten riba proseso di screening i nombramentu di minister.
Mas Region
Lesa Mas
Fin di siman aki gobierno nobo di St Maarten ta huramenta porfin
PHILIPSBURG-. Porfin tin un fecha tentativo pa e gobièrnu nobo di St. Maarten hura i asina tuma asiento. Esaki ta djaweps 25 aprel awor loke ta 2 siman lat ku formadó, Luc Mercelina a spera.
Mas Region
Lesa Mas
Gobierno Hulandes ta investigando su embahador na Colombia
DEN HAAG – Minister demisionario di relacionan exterior Bruins Slot (Buitenlandse Zaken) ta bay investiga si su embahador na Colombia Reina Buijs a surpasa su autoridad door di firma un documento sosteniendo e organisacion di Nacionan Uni UNRWA. E organisacion aki ta bou di presion internacional pa supuesto envolvimento di colabodornan di e organisacion den e atake di terror na Hamas aña pasa October. Merca y Hulanda a congela e sosten financiero na e organisacion aki te proximo aviso.
Mas Region
Lesa Mas
St Eustatius ta haya gezaghebber femenino Alida Francis
ORANJESTAD -- E siman aki señora Alida Francis a huramenta como gezaghebber nobo di Sint Eustatius. Pa prome biaha den historia di e isla un hende muhe ta gezaghebber.
Mas Region
Lesa Mas