Islanan BES tin eleccion awe pa Conseho Insular y/of Colegio Electoral

KRALENDIJK – Entre 14 pa 16 mil persona por vota awe na Bonaire pa sea Conseho Insular y Colegio Electoral. Y pa esaki tin 6 partido politico pa escohe, cu ta UPB, MPB  PD, 1 Union pa Pueblo, M21, Lista Suzy Thodé unda cu tin 12 urna electoral reparti riba henter e isla. Fuera di Bonaire, por vota tambe pa colegio electoral na Saba i Sint Eustatius unda cu riba cada isla tin dos urna electoral pa haci tal. Colegionan electoral pa Eerste Kamer na Hulanda Karibense ta órganonan di representante di pueblo ku, huntu ku miembronan di Parlamento Provinsial, i miembronan de kolegio elektoral pa hulandesnan biba den eksterior por vota pa miembronan di Eerste Kamer. Den Eerste i Tweede Kamer ta tuma desishon tokante di e tres entidatnan públiko. Dor di vota pa kolegio elektoral, den forma indirekto bo tin influensia riba konstelashon di Eerste Kamer, i tambe e desishonnan ku ta tuma ei den.  For di mitar di ocho di mainta te 9 or di anochi bo por vota na kualke urna na Boneiru.

BONEIRU

1. Jong Bonaire        Kaya Libertador Simon Bolivar

2. Sentro di Bario Tera Kora Kaya Monseigneur Niewindt

3. Klaslokaal Kristu Bon Wardador Kaya Avelino J. Cecilia

4. Sentro di Bario Nikiboko Kaya Pos di Amor

5. Sentro di Bario Amboina Amboina

6. Sporthal Adventista Kaya Ramon 8

7. Kompleho Deportivo J. Nicolaas Kaya Amsterdam

8. Sentro di Bario Nord Saliña Kaya Cacique 9

9. Sociedad San Antonio de Padua  Kaya Rincon 66  - onder voorbehoud

10. Tia Sani Kaya Encarnacion B. Sint Jago  

11. Urna Mobil EEG Boulevard entre Airport i Donkey Beach – NOBO

12. Edifisio serka i aeropuerto banda di Brantwer EEG Boulevard – NOBO

SABA

1. Eugenius Johnson Center

2. Sunny Valley Youth Center

SINT EUSTATIUS

1. The Ernest van Putten Youth Center (Lions Den) - Concordiaweg 24

2. The Earl Merkman Sports Complex

KIKO TA EERSTE KAMER?

Na Hulanda Eerste Kamer ta forma huntu ku Tweede Kamer Staten- Generaal (Parlamento) di Hulanda. Eerste Kamer ta deliberá i vota riba proyektonan di lei ku Tweede Kamer ya a aprobá.

KEN TA ELIGÍ EERSTE KAMER?

Eerste Kamer tin 75 asiento. Otro ku ta e kaso serka Tweede Kamer, e miembronan di Eerste Kamer no ta keda eligí dirèkt pa e pueblo hulandes. Kada kuater aña e miembronan di Parlamento Provinsial (Provinciale Staten) i, for di 2019, miembronan di e Kolegionan Elektoral pa Eerste Kamer na Hulanda Karibense (Saba, Sint Eustatius i Boneiru) i  for di 2023 tambe dor di kolegio elektoral pa votadonan Hulandes den eksterior ta eligí e miembronan di Eerste Kamer.

KON LARGU E PERIODO PA MIEMBRONAN DI EERSTE KAMER SINTA TA?

Ta eligí e miembronan pa un periodo di kuater aña.

KON EERSTE KAMER TA, KOMPARÁ KU TWEEDE KAMER?

Hulanda ta un demokrasia parlamentario. Esaki ta nifiká ku parlamento, na nòmber di pueblo, ta kontrolá gobièrnu i huntu ku gobièrnu ta traha lei. Tweede Kamer por entregá proyekto di lei, hasi kambio di lei i aprobá lei. Tratamentu di un proposishon di lei den parlamento por ta un proseso ku ta dura largu. Ta deseabel pa na final di e proseso, revisá e proposishon di lei un biaha mas na un manera krítiko. Eerste Kamer ta kumpli ku e tarea aki. E sistema di dos Kamer ta pone ku no ta tur poder ta konsentrá den un solo Kamer, ku ta posibel pa evaluá un proposishon i ku siudadanonan tin tempu pa yama atenshon pa nan posibel opheshon.

DIKON TA DI IMPORTANSIA PA E 3 ENTIDATNAN PÚBLIKO TIN INFLUENSIA RIBA KONSTELASHON DI EERSTE KAMER?

Den Tweede i Eerste Kamer ta tuma desishon tokante di e tres entidatnan públiko ku ta konserní nan tambe. Ora ku influensiá e konstelashon di Eerste Kamer, den forma indirekto ta influensiá tambe e desishonnan ku ta tumá ei den. NOTA: Gran parti di e texto ta scirbi den Papiamento fonetico di Corsou.