Oduber: Prome cu fin di aña ta cuminsa renobacion di edificio ex DOW

Posted on 03/14/2023 3:28 pm AST | Updated on 03/14/2023 3:29 pm AST

ORANJESTAD – Prome cu fin di aña ta cuminsa renobacion di edificio ex DOW y combirtie den oficinanan principal di Aruba Ports Authority y un Visitors Center di oficina di turismo di Aruba. E siman aki Minister di Turismo Dangui Oduber conhuntamente cu Director di Aruba Ports Authority (APA) sr. Marc Oduber y CEO di Aruba Tourism Authority (ATA) sra. Ronella Croes a cana den e ex edificio di DOW na playa. Despues di esaki a tene un conferencia di prensa caminda e mandatario a splica kiko e bunita proyecto aki ta encera.

RENOBA

Minister Oduber a splica cu e idea ta pa APA tuma e edificio di DOW over, renoba esaki completo. Como esaki ta un edificio basta grandi ta bay comparti e edificio di manera cu e piso 2 ta bira oficinanan di APA. Aruba Tourism Authority (ATA) ta bay bay huur piso 1 di e edificio aki y lo bay converti e piso aki den un Visitor Information Center (VIC) pa brinda informacion na nos bishitantenan.

VIC

E VIC lo ta bon ubica di manera cu nos turistanan crusero por yega facil na djesegun e mandatario. Minister Oduber a menciona cu esaki lo bay bira un centro super moderno y luhoso. E VIC lo tin cu brinda tur informacion di kiko tur tin di haci na Aruba, kiko ta tur e actividadnan, nos mihor beachnan, lista di restaurant y kiko nos tin pa ofrece, nightlife, transporte y mucho mas. E lo sirbi como un guia pa e turista asina cu e baha di e barco crusero.

TRASPASO

A compronde cu pronto lo publica detayadamente e motibonan y con e traspaso di e edificio di DOW lo tuma lugar den e “Lands Courant”. Despues cu esaki keda publica lo bay haci un ceremonia oficial caminda lo bay firma un MOU entre Ministerio di Turismo, Gobierno di Aruba, APA, ATA y Monumenten Bureau. E mandatario a menciona cu si tur cos cana segun plan, pa e di tres cuartal di aña 2023 e proyecto aki por cuminsa. Ya caba ATA a cuminsa traha riba locual ta bira e diseño di VIC.

Hulpbestuurkantoor San Nicolas ta cera riba awe pa mantencion
ORANJESTAD - Hulpbestuurskantoor (oficina auxiliar di gobierno) =a informa tur su clientenan cu nan oficinanan ta cera riba awe, diabierna 24 di maart 2023 en conexion cu mantencion y upgrade di nan sistema di ICT.
Mas Politica
Lesa Mas
Maduro: Pa prome biaha gobierno lo presenta 'Voorjaarsnota' na Parlamento
ORANJETAD - Pa prome biaha gobierno lo presenta 'Voorjaarsnota' na Parlamento. E siman aki Minister Xiomara Maduro di Finansa a reuni cu Departamento di Finansa pa asina repasa e detayes di locual ta bira e prome 'Voorjaarsnota,' un 'Nota di Comienso di Aña' den cual Parlamento na comienso di aña caba ta wordo informa di e cambionan den Presupuesto.
Mas Politica
Lesa Mas
Video: Ex minister Otmar Oduber ta lanta caso di defamacion contra politico Booshi Wever
ORANJESTAD – Ex minister y actual comerciante Otmar Oduber ta bay lanta un caso di defamacion contra politico Booshi Wever. Asina e ex politico a bisa den e programa Noticiacla LIVE dialuna atardi. Un di e temanan tabata e keho cu Wever a entrega contra dje algun aña pasa, y despues siman pasa a opta pa bay Hof pa protesta decision di Ministerio Publico pa no kier a persigui Oduber. Den e video adhunto, Oduber ta splica su motivacion.
Mas Politica
Lesa Mas
Video: Do Nacimento: Ainda no a haya disculpa di Mike de Meza
ORANJESTAD – Te cu ora cu e program Noticiacla LIVE a bay den aire (en bibo) dialuna anochi cu e parlamentario Ryçond do Nacimento como invitado, no tabatin un disculpa publico di parti di colega di partido Mike de Meza na su persona y colega Gerlien Croes pa e loke de Meza a bisa den e reunion publico siman pasa den Parlamento riba e caso Tofanelli y despues den un entrevista na radio den programa Enfoke.
Mas Politica
Lesa Mas
Prome grupo di polis a ricibi nan ‘bullet proof vest' porfin
ORANJESTAD - Awe tardi, na un manera symbolico, hunto cu Alto Comisario Sr. Ramon Arnhem, minister di husticia Rocco Tjon a haci entrega di e "bullet proof vest" na coleganan di KPA. Segun e mandatario, e prome cargacion di 200+ vest a yega Aruba y lo ser reparti bou e coleganan e dianan nos dilanti. E restonan ya caba a wordo transporta pa Aruba.
Mas Politica
Lesa Mas
Dos minister di Aruba lo atende conferencia di awa na Nacionnan Uni e siman aki
ORANJESTAD - Prome Minister Evelyn Wever - Croes a informa cu e siman aki lo atende e conferencia “Un 2023 Water Conference” cu lo tuma luga na New York. Un tema relevante cual Prome Minister lo ta atende conhuntamente cu Minister Ursell Arends di 22 pa 24 di maart, pa trata entre otro desaroyonan di awa mundialmente y nan efecto riba Aruba.
Mas Politica
Lesa Mas