Tjon: Bureau Sostenemi a haya un director nobo

ORANJESTAD – Dialuna atardi minister di asuntonan Social Rocco Tjon a anuncia riba su pagina di Facebook cu Bureau Sostenemi a haya un director nobo. E mandatario a splica cu  siman pasa a reuni cu Sra. Magaly Maduro, kende a wordo selecciona door di e comision encarga cu e parti di solicitud, como directora nobo di Bureau Sostenemi. Bureau Sostenemi ta fungi como e punto central di coordinacion ora di conseha, meld casonan di maltrato di mucha, den cooperacion cu otro instancianan cu ta traha riba e tereno di combatimento di maltrato di mucha.  

Segun sr Tjon, Sra. Magaly Maduro no ta un persona desconoci den e cadena social, y ta un profesional cu hopi experencia riba e materia. E intencion ta cu pa luna di april benidero e lo cuminsa cu su reto nobo.