Prome ronda di e Weganan Interinsular na Boneiro ta tras di lomba

KRALENDIJK - Weganan Interinsular na Boneiro a cuminsa cu un bon animo den e muchanan. Esnan presente a haya un bon bini di e organisacion di Indebon como tambe di e federacionnan di dammen y schaken. E coachnan e combersa y tene e muchanan calmo prome cu e torneo cu nan a bin p’e. 

Por a mira e entusiamo como tambe algo di nan nervio ya cu nan ta muchanan cu poco of niun experiencia den un torneo asina aki, pero manera cu wega a cuminsa por a mira e enfoke y curazon pa logra duna tur di nan contra nan contrincante.

E trato duna na e ateletanan tabata uno ehemplar durante e prome ronda di den Weganan Interinsular. Dia 11 di maart ta bay sigui e segunda ronda pa mira ken ta bay ta e atleta y tambe pais ganador.  IBiSA ta duna conoci con e posicion di e ronda 5 pa 8 ta bayendo na e momento aki.