- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Pisas: Gobierno di Corsou lo cambia direccion di hospital CMC si e instituto no coopera
WILLEMSTAD - Den un karta di 5 página, gobièrnu lesa promé minister sr. Gilmar Pisas ta kontestá hunta di gerensia i tambe di komisario riba e karta ku nan a manda pa gobièrnu, reklamando ku for di dia ku a sera e akuerdo pa sanea CMC, nada ta ser hasí. Hasta CMC a menasá di hiba gobièrnu korte.
Gobièrnu di su banda ta bisa ku asombro nan a tuma nota di kontenido di e karta di CMC, kaminda ta keha ku nada a ser hasí for di òktober di 2022, ora ku a sera e akuerdo.
Un dje kehonan tabata e rapòrt di Nederlandse Zorgautoriteit (NZa) ku gobièrnu no a ehekutá e rekomendashonnan. Segun gobièrnu den e kontesta di CMC na mei di 2022 riba e rapòrt ya a trese algun rekomendashon dilanti. Ademas den luna di ougùstùs 2022 minister di GMN a kuminsá prepará pa e rapòrt NZa dor di “Curaçaose Zorgautoriteit (CZa), SVB, GMN i teniendo kuenta ku e reakshon di CMC riba loke a keda konstatá i rekomendashonnan di rapòrt di NZa. Pues e proseso aki tabata andando kaba promé ku a yega na e akuerdo pa sanea situashon finansiero di CMC. Gobièrnu ta sigui bisa ku te awor aki, CMC ta envolví den evaluashon i implementashon dor di e kondishonnan akordá dor di gobièrnu di e rekomendashonnan di NZa. P’esei gobièrnu no ta di akuerdo total ku e punto di bista di Hunta di gerensia ku tin kuestion di no ta kumpli ku e akuerdo di forma urgente i integral, i tambe ehekushon di e palabrashonnan di e puntonan di akshon.
“Ku e último karta di 2 di mart, CMC a pasa e límite pa ku gobièrnu, un limitashon kaminda te ainda gobièrnu por konta ku kolaborashon loyal, a-polítiko, konstruktivo di e Hunta di Gerensia di CMC.
E hunta di gerensia no ta responsabilisá pa e défisit ku tin di último añanan, pero ta sigui riba un manera innesesario i for di sla pa polarisá, no ta koperá, i ta agresivo kontra di gobièrnu.
E hunta di gerensia ta mustra un karakter di enemigu públikamente kontra di gobièrnu, miéntras nan no ta responsabilisá nan mes pe situashon finansiero di CMC. Pero si ta kore manda karta pa parlamentu, medianan di komunikashon, CFT, i awor tambe pa e ministerio enkargá ku asuntunan di eksterior i di den Reino. Asina pa kore ku e preshon ku gobièrnu ta ehersé riba nan.
Gobièrnu ta rekordá CMC ku nan no por para kuido elektivo. Hasta gobièrnu a bai asina leu di tilda gerensia di CMC di tin agènda polítiko dor ku kada biaha ta bai parlamentu. P’esei e komportashon di e tantu e hunta di gerensia i di komisario no ta aseptabel pa gobièrnu.
Gobièrnu a bisa di ta dispuesto pa papia ku e hunta di komisario pa atendé e palabrashonnan di e akuerdo pa sanea CMC. Lo ke bai un akuerdo estrikto pa e próksimo lunanan ku CMC den kuadro pa implementá loke ta nesesario di e akuerdo. Ademas gobièrnu lo pone sèn disponibel pa pago di salario na e pèrsonal di CMC, debe na kréditornan i tambe medionan i otro kosnan kritiko ku mester pa kontinuidat di servisio dor di hospital.
Finalmente gobièrnu ta bisa CMC ku si nan no koperá dor di e direkshon deseá di gobièrnu, gobièrnu lo sòru pa bin ku otro solushon, awor ku a kada demostrá ku CMC no ta kumpli ku e kondishonnan ku e tin di su pèrmit komo instituto di kuido i pa mantené esaki. Te aki e karta di gobièrnu na CMC. NOTA: E texto ta scirbi den Papiamento fonetico di Corsou.
Conocido comediante y artista Eligio Melfor a bay sosega
WILLEMSTAD – E conocido comediante y artista di Corsou Julio Constantino Hermanus miho conoci como Eligio Melfor (82)a bai sosega diasabra. Eligio tabata sufriendo un kebrante di salud ultimo tempo. E tabata porta un di e, si no ta e comediante mas conoci y respeta di e islanan di Caribe Hulandes. Algun di su obranan conoci tabata Beberin den política , Juan tres porta y Esta un curashi. Su accento y tin biaha djis su expression di cara, tabata suficiente pa pone tur hende hari. E tabata hopi usa tambe pa trece mensahenan importante, debi na su popularidad. For di momento di e anuncio di su morto, hasta na Aruba reaccionan di tristeza y condolencia a cuminsa drenta. Cu e fayecimento di Eligio, Corsou y e resto di Reino Hulandes ta perde un icono den teatro y cultura. Cu Eligio sosega na paz.
Seleccion nacional di futbol a yega Corsou pa prepara pa wega contra Panama y Argentina
WILLEMSTAD- Ayera nochi gran parti di e miembronan di selekshon nashonal di Kòrsou a yega pa asina kuminsá prepará pa e wega kontra Canada bálido pa CONCACAF Nations League.
Na Corsou un ex agente polisial a keda asesina den fin di siman
WILLEMSTAD- Diadomingo 19 di mart den oranan di mardugá, Kòrsou ta konosé su di dos kaso di asesinato p‘e aña aki. Ta trata di un èks agente polisial yu’i Kòrsou ku tabata traha den Kuerpo Polisial di St. Maarten (KPSM). Den kareda di 03.18’or di mardugá, Sentral di Polis a risibí informashon di kaso di tiramentu ku a tuma lugá na Plasa Hariri/Rotònde Palu Blanku. Un unidat polisial a keda dirigí na e sitio i na nan yegada a enkontrá un hòmber drumi abou na suela, pafó di su outo, i no ta duna señal di bida.
Conocido comerciante Cicely vd Dijs a recobra su libertad
WILLEMSTAD – Despues di a sinta su castigo den prizon SDKK pa 7 luna, conocido comerciante na Corsou Cicely vd Dijs a recobra su libertad diabierna merdia. E mester a sinta un castigo di prizon pa e tempo cu e tabata cu su ex partner ex prome minister Gerrit Schotte pa a e caso di algun aña pasa Babel, unda cu e y su ex a keda sentencia relaciona cu actonan ilicito segun corte manera falsificacion di recibo via su negoshi, y compra di aparatonan pa blokea señal electronico. Schotte a sinta su castigo te sali, y tabata pendiente un deal cu gobierno pa paga un suma miyonario, sino e tin cu bolbe sinta castigo. Mientrastanto van der Dijs a bringa su parti pero e decision final a cay na augustus aña pasa cu e tin cu sinta su castigo. Y esey a bira e caso dia 22 di augustus 2023. Net prome cu su encarcelacion e tempo ey., Noticiacla tabatin contacto cu ne den fin di siman y e la comenta pa e portal aki cu e acto aki e ta considera como inhusto. Y for di 2014 ora cu e portal aki a papia cu vd Dijs den forma di exclusividad, e la declara caba cu e no tabata confia Ministerio Publico y a duna mas detayes di su caso. E fin di siman aki e ta cuminsa su bida di nobo, como un persona liber atrobe.
Na Corsou a tira atracko na bentana di “drive thru” Mc Donald’s
WILLEMSTAD – Tabata djárason anochi mitar di diesdos, ora ku dos hòmber den outo a hasi nan pedido via di “drive thru”. Nan ta yega na e bentana pa paga, dos hende hòmber kara tapá ta baha kada un ku arma di kandela den man i apuntá esaki riba e kahera i oblig’é pa e entregá e kaha di plaka. Despues ku e kahera a intentá di sera e bentana, pero no ta logra i di e forma ei e tabata obligá di entregá e lachi di plaka. Polis a move den e área pa wak kiko nan ta logra, pero no a topa ku e atrakadónan. NOTA: Texto ta scirbi den Papiamento fonetico di Corsou.
Na Corsou, problema entre dos minister di partidonan MFK y PNP ta sigui
WILLEMSTAD - No ta konosí kiko t’e motibu, pero opviamente no por papia di un relashon sano entre ministernan Javier Silvania i Ruisandro Cijntje. Opviamente pa motibu for di salida dje gabinete aki e atakenan di Silvania a start i a kontinuá te ku awe. Ayera den Parlamento a yega un punto kulminante unda finalmente a pidi partidonan pa bai den konklave pa resolvé nan diferensianan. E dianan ku a pasa a surgi diskushon entre e dos mandatarionan riba investigashon di kalidat di gasolin. Klaramente tabata reina un ambiente di diskordia.
Follow NoticiaCla
