Na Corsou minister di MFK a entrega su retiro na Gobernador

WILLEMSTAD – Minister di Salud, Medio Ambiente y Naturalesa (GMN) di Corsou Dorothy Pietersz-Janga a entrega su retiro na Gobernador Lucille George Wout diaranson atardi. Cu esaki e ta duna oido na e peticion di partido MFK diadomingo ultimo pa e entrega su cartera basa riba un sentencia cu a cay recientemente den cual e ta involcra. Den su carta di retiro, e awor ex mandatario ta splica cu mientras e no ta completamente sigur di e motibo, e ta opta pa retira y evita un posibel division den partido y gobierno, cu no ta sirbi e pais bon aworaki. Cu esaki, e ex mandatario ta confirma cu tin division den e partido cu e ta(bata) forma parti di dje. For di diamars, minister Javier Silvania a cuminsa asumi e funcion di Pietersz den forma interino. No ta conoci ken lo bira e proximo minister di GMN.