• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Opinion: Un conseho no pidi

Scirbi pa Max Robert, presidente partido Curpa

Nos kier a trese u paar di punto dilanti cu nos ta kere cu e pueblo di Aruba tin derecho di opina ariba esaki. Hecho ta cu tin un debate andando den medionan di comunicashon ariba e tema di matrimonio di mesun sexo entre un grupo di pastornan y un grupo di LGBTQ+ cu tin como miembro, parlamentarionan ,juesnan, politiconan, empresarionan y amistadesnan local y internacional. Loke ta jama hopi nos atenshon ta cu a tarda pa atende cu e problematica aki ya cu pa basta anja nos a trata di informa e pueblo di Dios y e pueblo di aruba henter ariba e tema delicado aki, te asina leu cu ora sra Evelyn Wever  Croes a saca e amienda 7 for di bari di sushi, un grupo di evangelico, un grupo carismatico y un grupo di pastor cu nan carnenan a subi caya y a protesta, esaki a duna como consecuencia cu e amienda 7 a wordu poni bek den e bari, y sra Evelyn Wever Croes na su turno, mes a sali pidi disculpa na su hendenan y bisando cu mientras cu e ta na poder, e ley aki no lo pasa. WEL WEL awe nos por wak cu su mes un partido a trata e ley di amienda 7 (geregistreerd partnerschap/ bou capa di matrimonio di mesun sexo) esaki den parlamento y cu e la pasa cu mayoria den voto, asina habriendo porta pa loke ta pasando awe. Si e tempo ey un parlamentario di Partido geel, so a bai gobernador y distancia su mes for di e Partido geel, e ley aki nunca a pasa. E pregunta cardinal ta, unda e grupo di pastornan aki cu a sali den prensa den e ultimo simanan atras tawata ta, cu nan no a subi caya e tempo ey ?. Dios a permiti un barco cu 5000 gays abordo baja na Aruba y hasi nan fechorianan, pa asina logra saca e grupo di pastornan aki for di nan comfortzone y subi caya. Loke ta di admira. Lo ta bon tambe pa e grupo di pastornan aki hasi uso di nan derecho constitucional pa keha e grupo aki na Openbare ministerie pa nan aktonan condenabel cu nan a trese den medionan di comunicashon esta: discriminashon, insultonan den publicidad contra miembronan di un of mas iglesia local jamandonan sekta, taliban, tambe ta tin valse beschuldiging den publicidad over di belasting ontduiking, opruiing ( lanta grupo di hende pa hasi actonan condenabel na e grupo, y tambe trese odio (haat) ariba e pastornan aki. Dje manera aki e grupo LGBTQ+  lo pensa dos biaha prome cu nan sali den media y trese nan insultonan bajo dilanti of hasi cualkier otro delito cu ta strafbaar den un pais cu estado di derecho.

Nos di Partido Curpa no ta kere cu e grupo religioso aki mester sinta y debate cu e grupo aki ariba un tema cu ta done deal. Loke tin di hasi ta laga esnan jama pa atende cu e asunto aki politicamente y sostenennan den oracion y formashon y naturalmente den voto. Y pidi Dios sabiduria pa atende cu e problema aki, Tin asina hopi problema ariba e pais aki y nos focus ta ariba cosnan cu na su tempo lo wordu atendi debidamente. Nos mester corda cu tur ley cu wordu skirbi ariba papel por wordu distrui. Pa logra esaki mester pone un Partido na mando cu minimo 7 asiento of mas,cu tin e curashi pa reforma e leynan existente pa medio di un referendum, cu lo limita e poder di un ministro y pone e poder bek den man di un parlamento justo y responsabel, no un parlamento cu ta jaknikker. Nos ta den tempo cu cada ciudadano di e pais aki mester skohe pa nan mes kiko nan kier y kiko nan kier logra como persona den nan mes un cas y con nan lo por contribui cu esaki. Nos di Partido curpa no ta kere cu e arubiano ta bobo mas bien pa anjanan caba nan a wordu tuma di hasi y awor ta e tempo pa wak ken ta ken…..No laga un partido politico of un iglesia of familiarnan bisabo pa ken bo vota y tampoco lagabo wordu manipula cu un tarjeta di partido den bo cartera of jamadanan di telefon ariba bo cumpleanos, si nan mes no ta trese un regalo pabo of jena bo frigidaire, tur esaki nan ta hasi pa marabo y hasibo esclabo di nan. Un modus operandi psicologico. A bira tempo pa abo como pueblo pensa pa bo mes,bo famia y bo pais tuma curashi y para pa famia, justicia, y bienestar economico, y e unico partido cu ta para tras di esaki y contra metemento di hulanda cu nan agenda diabolico SDG 2030 ta y ta keda Partido Curpa..

Cerca nos ,e famia manera Dios a crea ta central. Sin un famia cu ta procrea no tin futuro pa un pais progresa.