Corte di apelacion a mantene sentencia di 9 aña prizon pa ex periodista Elvis Weert!

ORANJESTAD – Corte di apelacion a mantene e sentencia inicial contra ex periodista Elvis Weert di 9 aña di castigo di prizon. Y corte a dicta OM no admissible pa un parti di e cargo di abortus, pasobra esaki a pasa su tempo (verjaar). Awe merdia Corte di apelacion a dicta e sentencia aki. Esey kier men cu Weert tin cu sinta e castigo manera cu a keda dicta anteriormente. Weert ta sintando e castigo pa abuso sexual di menor di edad. Weert a haya cu e sentencia tabata mucho hopi y a dicidi di apela aña pasa na februari 2023. Den e sentencia Weert a keda absolve di e acusacion di violacion e rumannan Boekhoudt. Como tal a reduci e sentencia na 9 aña di castigo di prison den corte di prome instancia, envez di e 12 aña cu fiscal a pidi durante tratamento di e caso originalmente na januari 2022. “Tur e resto a wordo proba” abogado Mohammed a bisa e portal aki ora cu e sentencia inicial a cay.  

E CASO 

E caso di apelacion a wordo trata algun siman atras, y e sentencia mes a cay awe. Den e prome caso a keda presenta cu  no un pero dos aborto un dama mester a experiencia como resultado di violacion sexual na man di e ex periodista Elvis Weert, a keda presenta durante tratamento di e caso y  e lo a viola no un sino varios dama menor di edad. Asina a resulta den Corte  durante tratamento di e caso di abuso sexual contra e ex periodista.  Weert a presenta dilanti hues pa responsabilisa su mes contra acusacion di violacion di menor di edad na fin di januari. Segun Fiscal, ta acusa Weert di a viola e mucha G cu e tempo ey (maart 2005-maart 2009) tabatin apenas 14 aña di edad. Tambe ta acuse di den e mesun periodo a comete actonan inmoral caminda a penetra e mucha sexualmente. Tambe ta acus’e di a maltrata G di tal forma cu a causa un asina yama ‘miskraam’.  

MAS ACUSACION

Ta bisa cu entre 19 di maart 2005 y 1 maart 2009 a mishi na parti intimo di e mucha y tene relacion sexual cu ne. Esaki a sosode den un apartamento scondi y fiscal ta considera esaki como violacion. Tambe den mesun periodo ta acusa Weert di a comete actonan inmoral y hasta tene relacion sexual  cu e mucha G cu e tempo ey tabatin 16 aña y tabata bay di su encargo. A papia tambe di intencional y premedita maltrata e hoben G (18 aña) di tal forma cu hangua y otro cos skerpi cu a causa e miskraam. Tambe a acusa Weert di a abusa di dos yiu muher di su pareha entre 22 y 23 di October 2012 y otro muher na 2019. 

WEERT TA DESMENTI

Durante e caso inicial, hues a puntra Weert riba su pensamento di e muchanan y nan relato. Aki Weert a contesta cu no ta berdad. Hues a sigui pa repasa e procesverbaal. Huez a bisa tambe cu e tata di e muchanan a haci denuncia na December di 2012. Voogdijraad lo a informa e tata cu e mucha M cu tabata bay Emmaschool, a bisa e docente cu e la wordo abusa. E mama di e mucha no kier a haci denuncia. Mientrastanto e tata a bisa cu e yiu mes a bise cu Weert lo a mishi cu ne na su partinan intimo y penetre, y ora cu el a reclama pa stop, Weert a bise pa no bisa anda. E mucha a declara cu e la lanta bay e ora. Un trahado social a bisa cu un amiga di M. a bisa cu B. a conte cu e anochi anterior Weert a mishi cu ne. E trahado social a bay papia cu Be. E trahado social a bisa e mama pa bay Voogdijraad e ora. E mama a sigui bisa cu e no ta kere B, pa cual e no kier a bay Voogdijraad. E ora e trahador social mes a bay Voogdijraad. 

MAS KEHO

Tabata dia 20 di februari 2019 cu e dama G (27) biba na Hulanda, a haci denuncia contra Weert e tempo ey. E la bisa cu Weert lo ta un abusador y cu e kier pa cera Weert y pa e stop di abusa di muchanan jong. Tempo cu e tabatin 13 aña e la conoce Weert, cu tabatin un relacion cu su mama. Tempo cu e tabatin 14 aña e la bay druma cu su mama na cas di Weert y a keda den un otro camber. Aki Weert lo a bay mishi cu su pechonan y no a bisa nada. E la bay papa cu e mama e ora riba esaki pero e no a bisa kico tabata pasando debi cu e tabatin miedo di Weert cu lo tabata menase. Tambe a conta cu cada bez cu G tabata su so, Weert tabata manipula pa G tene relacion sexual cu ne. G a bisa cu e no tabata un virgen pero no tabata activo. E tabata splica con Weert tabata force pa tene relacion sexual cu ne na varios lugar, den auto, den mondi, y den apartamento. E no a bisa su mama pasobra su mama tabata enamora di Weert  y lo no a kere. G a bisa cu Weert tabata manipul’e tur ora. Tempo cu e tabatin 15 aña e la sali na estado di Weert. Weert e ora a ordene pa e haci normal pa e maam no sa. A bay ginecologo Narain cu a constata cu e tabata 4 luna na estado. Aki a dicidi pa haci abortus. Despues G (e tempo ey 17 aña) a bolbe sal na estado. Weert aki a dicidi cu e mes ta bay haci e abortus.