Van Rij: Hulanda (y Aruba) ta studiando conseho di RvA pa firma acuerdo riba impuesto

DEN HAAG/ORANJESTAD – Gobierno di Aruba y Hulanda ta studiando e conseho di Raad van Advies prome cu keda cla y firma acuerdonan di impuesto nobo. Asina e secretario di estado Hulandes van Marnix van Rij a informa Tweede Kamer e siman aki. Noticiacla a compronde cu tabata 6 luna pasa cu RvA a duna su conseho riba e tema aki caba. Corsou ta e unico cu tin un acuerdo caba riba nivel di ambtenaar. Pero Aruba ainda no y lo warda e conseho pa despues keda cla. E mandatario Hulandes a splica Tweede Kamer cu e kier un solucion si pa e aña aki ainda. Ademas St Maarten tambe ta den negosacion final. Tanto Corso Aruba, Curaçao, Sint Maarten mester firma esaki, y ta premira cu Corsou y St Maarten lo keda cla e aña aki. Aruba ta keda pendiente mientrastanto segun e mandatario a informa Tweede Kamer. Cu e acuerdo aki, Hulanda kier pa e paisnan aki cumpli cu e minimo standard di e asina yama BEPS-project cu ta netamente pa evita esaki, esta Base Erosion and Profit Shifting, cu ta indica cu companianan internacional ta adhere na un planificacion asina agresivo cu de facto por evadi impuesto.