Secretario di estado Van Huffelen a sobrevivi mocion di desaprobacion

DEN HAAG – Secretario di estado Hulandes Alexandra van Huffelen a sobrevivi e mocion di desaprobacion cu a keda entrega contra dje den Tweede Kamer. Asina e portal Dossierkoninkrijksrelaties ta raporta. E mocion segun e portal, a keda entrega pasobra contra gana di Tweede Kamer, e lo a bay di acuerdo cu e implementacion di un DigiD Europeo. E mocion sinembargo no a haya suficiente aprobacion. Di e 20 fraccionan representa, e mocion a haya sosten di 12 fraccion. Pero como cu e 12 fraccionan ta representa ‘apenas’ 53 asiento, van Huffelen por keda den su funcion. Fuera di tin e cartera di Relacionan di Reino, e tin tambe Digitalisacion. E fraccionan cu a vota contra Van Huffelen tabata SP, BIJ1, DENK, Fractie Den Haan, PvdD, Lid Omzigt, SGP, BBB, JA21, PVV, FVD y Groep van Haga.