Tjon: Na April, Warda di Playa lo ta operacional den edificio na Paardenbaaistraat

ORANJESTAD – Comienso di luna di April, Cuerpo Policial di Aruba su warda di Playa lo ta ubica den e edificio conoci como ex consulado Venezolano den Paardenbaai straat # 12. Diaranson mainta a firma un Letter of Intent (LOI) pa cu e traspaso aki. E mandatario responsabel pa husticia y consecuentemente polis, Rocco Tjon a confirma cu un dia prome Conseho di Minister a aproba e traspaso di edificio. A sigura cu lo tuma cuenta cu e aspecto di seguridad, y comunicacion tambe. Lo amplia e edificio pa por ubica celnan tambe pa asina cumpli cu e rekisito di un warda. Tambe lo tin un sistema automatico di control di entrada (toegangs controle).  Cu esaki, e cuerpo ta soluciona parti di e problema cu schimmel (beskein).